Oiartzungo bi bikoteek aurrera egin eta hurrengo fasera pasa dira
Giriziaren Euskal Herriko pala txapelketako hamaika partida jokatu dituzte asteburuan, eta horien emaitzen berri eman dute antolakuntzakoek.
Asteburuan beste hamaika partida jokatu dituzte Madalensoron. Oraingoan bi bikote oiartzuar aritu ziren, eta biek irabazi zituztenez partidak, hurrengo fasera pasa dira. Aritzmendi eta Arbelaitz bikoteak 25-12 irabazi zioten Iraola-Gonzalez Tolosako bikoteari; eta, Argote-Bereziartuak, haatik, 25-14 irabazi zuten Urizar eta Lete andoaindarren aurka.
Gainera, antolakuntzakoek jakinarazi dute emakumeen txapelketa ere hasi dela, eta Agirre eta Muruak 25-12 irabazi zietela Gomez-Gomez ahizpek osatutako bikoteari.
Hona hemen iragan asteburuko emaitzak:
- Neskak
- Agirre-Murua 25 / 12 Gomez-Gomez
- Hirugarren maila
- Cabaleiro-Etxabe 25 / 14 Etxebe-Nuin
- Iraola-Gonzalez 12 / 25 Arbelaitz-Aritzmendi
- Argote-Bereziartua 25 / 14 Urizar-Lete
- Bigarren maila
- Goitia-Tapiz 22 / 25 Asiain-Ibarra
- Zabala-Etxeberria 25 / 24 Etxeburu-Urtasun
- Lehenengo maila
- Arizmendi-Arriaga 25 / 15 Arruzabalaga-Lizarralde
- Iriarte-Altsu 23 / 25 Leo-Arkaraz
- Aldalur-Zubillaga 24 / 25 Loidi-Dagerre
- Perez-Seoane 25 / 20 Arregi-Huegun
- Albiuasu-Martikoren 25 / 09 Urrutia-Madariaga
