Topoaren Altza-Galtzaraborda tartea abuztuaren aurretik jarriko dute abian
Susana Garcia Chueca Mugikortasun Jasangarriaren sailburuak gaur jakinarazi du Altza eta Galtzaraborda arteko saihesbidea martxan jartzeko data aurreratu egin dela.
Garciia Chueca Legebiltzarrean Topoaz.Eusko Jaurlariztaren Mugikortasun Jasangarriaren saila. Topoaren Altza eta Galtzaraborda arteko saihesbidea martxan jartzeko data aurrera egin dela jakinarazi du gaur Susana Garcia Chueca Eusko Jaurlaritzaren Mugikortasun Jasangarriaren sailburuak, eta hori horrela, abuztuaren aurretik jarriko duela abian ETS Euskal Trenbide Sareak. legebiltzarrean egin ditu adierazpen horiek sailburuak.
Hori horrela Amarako eta Altzako zokoguneek—trenak errebotatzen diren eta trenez aldatzera behartzen duen puntuak— “jauzi kualitatiboan matea eragozten zutenak”, sare berri jarraituarekin ezabatu egingo direla. Horri esker, aurten bertan, maiztasunak 7,5 minutura pasako direla Añorga eta Pasaia artean adierazi du.
Lanen gainean ere mintzatu da Garcia Chueca: “Azken fasean dagoen obran erdialdeko geltokian pertsonek nasen artean banatzeko guneei azken ukituak ematen ari dira. aldi berean, katenarian eta trenbidean, instalazioetan, seinaleztapenean eta segurtasunean ere ari gara lanean. Hori guztia Euskotreneko trenak probak egitera sartu ahal izateko, gidari profesional berriak trazadura berrian prestatzeko, eta zerbitzua martxan jartzeko”.
Obraren eraginak jasan dituzten bizilagunei ere egin die aipamena Garcia Chuecak, eskerrak eman dizkie; baita Euskal Trenbide Sareko lantaldeari eta harekin ari diren enpresei, “beren profesionaltasuna, adorea eta kaudimen teknikoa” eskertzeko. Bukatzeko nabarmen jarri du Eusko Jaurlaritzak finantzatu duela esku hartze horren %100.
