Mus txapelketa Ibargainen 50. urteurrena lagun artean ospatzeko
Larunbatean (hilak 25) izango da txapelketa, arratsaldeko lauretan hasita. Izen ematea 34 bikotera mugatu dute.
Ibargain kultur, jolas eta kirol elkartea mende erdia ospatzen ari da, eta hori handira egin nahi du. Horregatik, zenbait ekitaldi eta jarduera antolatzen ari da ikasturte honetan, eta oraingoan hurrengo hitzorduaren berri eman dute: mus txapelketa.
Larunbatean (hilak 25) izango da txapelketa, 16:00etan, eta lau erregetara izango dela aurreratu dute. Gainera, jakinarazi dute izen ematea 34 bikotera mugatu dutela.
Azkenik, sariak ere zerrendatu dituzte:
- Lehenengo saria: arkumea, bi ardo botila eta bi cava botila
- Bigarren saria: saiheskia eta bi ardo botila
- Hirugarren saria: Iberiar paleta eta bi ardo botila
- Laugarren saria: Barkaiztegiko bi sorta
- Repeskako lehen saria: txistorra eta bi ardo botila
- Repeskako bigarren saria: Barkaiztegiko bi sortu
Antolatzaileek oiartzuar guztiak gonbidatu dituzte larunbateko hitzordura.
