Oarsoaldeko hiru bikote lehiatu dira asteburuko Giriziaren pala txapelketan
Emakumezkoan bi partida eta gizonezkoen lau partida jokatu dituzte iragan asteburuan. Datorren astean hamar partida izango dira Madalensoron.
Zutik Eldua, Adriana, Toledo epailea, Aranburu eta Balerdi. Pasa den asteburuan ere jarraipena izan du Giriziaren Euskal Herriko pala txapelketa irekiak, baina ohi baino partida gutxiago jokatu dituzte. Zehazki, emakumezkoen bi partida eta gizonezkoen lau partida jokatu zituzten Oiartzunen, eta horietan artean Oarsoaldeko hiru bikote lehiatu ziren: Rekondo eta Arizabalo; Arregi eta Urreaga eta Murua eta Arzallus. Aipatutako lehen bi bikoteak hirugarren mailakoak dira, eta azkenak, berriz, bigarren mailakoak.
Hirugarren mailari dagokionean, Arregi eta Urreagak irabazi egin zioten Rekondo eta Arizabalori, eta ondorioz hurrengo faserako sailkatu dira.
Beste bi bikoteak, haatik, txapelketatik kanpo gelditu dira, galdu egin baitzuten.
Hona hemen asteburuko emaitzak:
- Neskak
- Aranburu-Balerdi 25 / 20 Adrian-Eldua
- Oiartzabal-Rosa 19 / 25 Artakoz-Casillas
- Hirugarren maila
- Arregi-Urreaga 25 / 13 Rekondo-Arizabalo
- Landa-Ibarguren 25 / 24 Urizar-Lete
- Bigarren maila
- Ponce-Loidi 25 / 10 Altzuri-Arizabalo
- Ubeda-Arruti 25 / 11 Murua-Arzallus
