Kattalin Arabolaza Euskal Herriko Eskolarteko finalean ariko da
Irabazlearekin puntuz berdinduta, bigarren geratu zen oiartzuarra Gipuzkoako Eskolarteko finalean. Inge Mitxelena ere finalean zen.
Kattalin Arabolaza, Azpeitian jokatu zuten Gipuzkoako Eskolarteko finalean. Bertsoa.eus Asteburuan jokatu dute Azpeitian Gipuzkoako Eskolarteko finala, eta Kattalin Arabolaza oiartzuarra eta Inge Mitxelena oreretarra ziren parte hartzaileetako bi. Bada, Arabolazak garailearen puntu kopuru bera lortu zuen saioan, eta beraz, Adei Urbitarte zein Arabolaza, biak ariko dira Euskal Herriko Eskolartekoan Gipuzkoa ordezkatzen.
Azpeitiko saioan Kattalin Arabolaza, Inge Mitxelena, Duna Urteaga, Haritz Alkorta, Ekhi Alvarez, Urko Arakistain, Eñaut Otaño eta Adei Urbitarte aritu ziren kantuan, Imanol Artola Felix aurkezle zutela.
Urbitarte zarauztarrak irabazi zuen saioa, eta txapela Felix Irazustabarrenak jantzi zion. Alabina, hori gutxi ez, eta Urbitarte berak irabazi zuen idatzizko saria ere.
Gauzak horrela, Urbitarte eta Arabolazak ekainaren 13an jokatuko dute Arantzan Euskal Herriko finala.
