'Zerbait sartu zait begian' emanaldia, larunbatean Landetxen
Imanol Epelderen performace poetiko kritikoa da, eta umorea, kritika eta hunkidura uztartzen ditu zuzeneko esperientzia horrek. 19:00etan izango da saioa.
Imanol Epeldek Zerbait sartu zait begian antzezlana egingo du larunbatean (maiatzak 2), Oiartzunen.
Sortzaileak berak azaldu duenez, hitza, musika eta irudia uztartzen ditu performance poetiko kritiko horrek. Hain justu, honakoa du ardatz: gaurko bizitzaren abiaduraz, zoriontsu izan beharraren presioaz, naturatik urrundu garenaz, gizon izateko modu zaharrez eta euskaraz bizitzeak barruan pizten digunaz hitz egiten du.
Dioenez, ez da “ohiko” errezitaldi bat, umorea, kritika eta hunkidura elkartzen dituen zuzeneko esperientzia bat baizik, eta Epelderen esanetan, barre egiteko, pentsatzeko eta barruan zerbait mugitzeko aukera ematen du emanaldiak.
Saioa 19:00etaniznago da, eta sarrerak esteka honetan eskura daitezke.
