Galiziak eta Pasaiak bat egingo dute
Hilaren 3an eta 9an Letras Galegas jaialdia egingo da Trintxerpen, hainbat jarduerarekin.
Galiziak eta Pasaiak bat egingo dute Letras Galegas jaialdiari esker. Hilaren 3an eta 9an Galiziak eta Pasaiak bat egingo dute, Letras Galegas jaialdia egingo baita Trintxerpen. Lehen topaketa igande honetan izango da, barruti urdineko Arrantzaleen auzoan. 12:00etan, meza galegoz egingo dute, Jasokundeko Amaren parrokian. Ondoren, 13:00etan, Manuel Castelaori eta hildakoei omenaldia egingo diete.
Jaialdiak jarraipena izango du hilaren 9an (larunbata), barrutiko alkateordetzan. 11:45ean, omenaldia egingo diote Gregorio Galvezi. Bukatzeko, 12:00etatik aurrera, poesia errezitaldi musikatua egingo da, galegoz eta euskaraz. Xose Estevezek galegoz eta Antton Kazabonek euskaraz, Luciano de Monfadal, Paloma Garcia, Xoan Alonso, Bernardino Crego, Felix Rubial, Manuel Maria, Juan Mari Lekuona, Xabier Lete, Imanol Irigoien eta Antton Kazabonen poemak errezitatuko dituzte.
Estevezek eta Kazabonek Edurne Saizar piano jotzailea, Oihane Mitxelena akordeoi jotzailea, Haizea Lekuona flauta jotzailea eta Endiko Loiola gitarra jotzailea izango dituzte bidelagun hilaren 9ko poesia errezitaldian.
