Bizikleta eta harrobia, larunbateko protagonista
Errenteriako IX. Saria jokatuko dute larunbat arratsaldean beheko kategorietako 100 txirrindularitik gora,
Errenteriako IX. Saria jokatuko dute 100 txirrindularitik gora larunbatean Errenteria-Oreretan. Harrobiako kategorietako txirrindularitzaren epizentro bilakatuko da horretarako Nafarroa etorbidea Niessen eta Laguntasuna elkartearen egoitzaren artean. Zirkuitu horretan hainbat itzuli egin beharko dituzte lasterkariek, kategoriaren arabera.
Hala, Benjakminek bi buelta egin beharko dizkiote zirkuitu itxi horri lau kilometro osatzeko; Kimu kategoriakoek, berriz, hiru itziuli osatu sei kilometro egiteko; eta azkenik, Haurren kategorian lehiatuko direnek sei itzuli egingo dituzte, 12 kilometroko ibilbidea egiteko.Txirrindulariak, federatuak gutziak, Irun, Oarsoaldeko herrietatik, Donostia, Zarautz eta Zumaiatik helduko dira udalerrira; lasterketa 16:00etan hasiko da.
Antolatzailea, Laguntasuna txirrindularitza elkartea Errenteriako Udalaren laguntzarekin.
Lasteketak alddaketak eta trafiko mozketak eragingo ditu 15:00etatik 18:00etara. Besteak beste, Niessen paretik Lartzabaleraino trafikoa moztuta egongo da, Gabierrotako biribilgunea barne Nafarroa etorbidean.
Nafarroa etorbidean aparkatzea baimenduta egongo da, baina probak irauten duen bitartean ezingo da ibilgailua mugitu.
Bestalde, Gabierrotarako sarrera itxita egongo da eta Panierreko aparkalekua (Zamalbide kalea) antolatzaileentzat erreserbatuta egongo da.
Garraio publikoari dagokionez, horretan ere aldaketak izango direlako, U7 linearen Galizia, Alameda, Tourig eta Fanderia 17ko geralekuak bertan behera geldituko dira lasterketak irauten duen bitartean. Halaber, E02 eta E027 lineetan, Zumardia, Nafarroa hiribidea (Gabierrota) eta Lartzabal geralekuak ere ez dira erabilgarri egongo.
