Udal ordezkariak Bartzelonan, aldundiak gonbidatuta
Bartzelonako Udalak antolatutako Ekintza Komunitarioko III jardunaldietan parte hartu dute hainbat teknikarik eta Aizpea Otaegi alkateak.
Bartzelonan izan dira udal teknikariak eta Aizpea Otaegi alkatea.Herri Bizia Bartzelonako Udalak antolatutako Ekintza Komunitarioko Nazioarteko III. Jardunaldietan izan dira Aizpea Otaegi alkatea eta hainbat udal teknikari, Gipuzkoako Foru Aldundiak gonbidatuta. Bidaia berean bertako hainbat ekipamendu eta zerbitzu komunitario ezagutu dituzte metodologien eta esperientzien berri lehen eskutik jasoz.
Errenteriaren kasuan, Lekuona Fabrika izan da bertan parte hartzeko aukeratutako ekipamendua.
Gipuzkoako Foru Aldundiak prestatutako agendaren barruan ekipamendu hauek ezagutu zituzten: Caritasen Santa María Magdalena Espazio balioanitza, Barri Lleialtat Santsencako etxea, Trinitat Vella Bizitza Komunitarioko Zentroa, Verdungo auzoko casala, Turó Gizarte Zerbitzuetako Zentroa eta CAI La Marina, besteak beste. Bisita hauek Bartzelonako Udaleko Ekintza Komunitarioko sailarekin elkarlanean antolatu ziren, eta EQUICOM proiektua ezagutzeko aukera eman zien, ekipamenduetan dimentsio komunitarioa lantzen duen iniziatiba.
