Argedasko hilketa matxista salatzera deitu dute
Euskal Herriko Emakumeen Mundu Martxak deituta elkarretaratzea egingo du Oreretako mugimendu Feministak gaur, —asteartea, hilaren 20an— Argedasko (Nafarroa) hilketa matxista salatzeko. Clara Rangel plazak hartuko du protesta, 19:00etan.
Iruñeko Sanduzelai auzoko hilketa matxista salatzeko elkarretaratzea.Ainara Artetxe Maritxalar Euskal Herriko Emakumeen Mundu Martxak deituta elkarretaratzea egingo du Oreretako mugimendu Feministak gaur, —asteartea, hilaren 20an— Argedasko (Nafarroa) hilketa matxista salatzeko. Clara Rangel plazak hartuko du protesta, 19:00etan.
Gizon batek haren ematzea hil zuen joan den asteburuan Arguedasen. Gizonak berak eman zuen egindakoaren berri astelehenean, Foruzainek zabaldutako informazioaren arabera, Valtierrako Guardia Zibilaren kuartelean. Gizona atxilotu egin zuten andrea hiltzea leporatuta. Emakumeak, 44 urte zituen.
Honakoa, urtea hasi denetik Euskal Herrian izan den laugarren hilketa matxista dela salatu du Oreretako Mugimendu Feministak. Urtarrilaren 20an izan zen Sarrigurenen (Nafarroa) 28 urteko Tatiana Rodriguez labanaz hil zuen senarrak, eta ama larri zauritu. Martxoaren 31n izan zen hurrengo kasua, Basaurin (Bizkaia). Amaia Velasco Quintana 48 urteko emakumea bere etxean hil zen. Emakumeak indarkeria zantzuak zituela eta, haren bikotekidea atxilotu zuen handik bi egunera. Behin-behinean aske utzi zuen epaileak baina, kautelazko neurriekin, ikerketak informazio gehiago eman bitartean. Apirilaren 21ean, berriz, 37 urteko emakume bat hil zen Iruñeko San Jorge auzoan, etxe bateko hirugarren pisutik erorita.Gizonezko bat atxilotu zuten indarkeria matxistagatik, urruntze agindua urratzea leporatuta.
Oreretako Mugimendu Feministak elkarretaratzearekin bat egitera deitu ditu herritar guztiak.
