Errugbia hirugarren astez, plazara
Herriko hainbat plaza errugbi zelai bilakatuko ditu kontaktuzko kirolaren gainekoak lau haizetara zabaltzeko Orereta Rugby taldeak.
Joan den asteko errugbia Plazara dinamikako irudi bat.Orereta Rugby Taldea Arrakastatsua. Hala izaten ari da Orereta Rugby taldeak aurtengo denboraldiari ginga jartzeko antolatu duen iniziatiba. Errugbia ezagutarazi eta zaleak gerturatzeko dinamika berria abiatu zuen duela bi aste, eta hilabete osoan zehar, asteazkenarekin, herriko hainbat plaza errugbi zelai bilakatuko ditu kontaktuzko kirolaren gainekoak lau haizetara zabaltzeko. Beraunen egin zuten Errugbia plazara dinamikaren lehen saioa, Koldo Mitxelena plazak hartu zuen lekukoa aurreko asteazkenean, eta gaur berriz, Gernika plazara eramango dute iniziatiba.
17:30etik 19:00etara egingo dute saioa. Parte hartzaileek errugbiaren mekanikaren azalpen txiki bat jasoko dute hasieran, eta horren ondotik, taldeko harrobiko jokalariekin batera, plazan bertan jokatuko diren plakajerik gabeko partidetan praktikan jarriko dute ikasitakoa. Ikstera gerturatzen direnek ere har dezakete parte, partidara batuz, edota taldeko kideengandik azalpenak jasoz.
Orereta Rugby taldeak herritar oro animatu du gerturatu eta bat egitera.
