Eskolarteko triatloi jardunaldia, larunbatean
Oarsoaldeko ikastetxe guztietako 400 ikaslek hartuko dute parte.
Fanderiako igerilekua itxita izango da hilaren 10etik 23ra biak barne. Eskolarteko triatloi jardunaldia antolatu du Errenteriako Udalak aurten ere, eta horren barruan, Oarsoaldeko 400dik gora ikasle ariko dira lehian baino, kirolaz gozatzen. Fanderiako igerilekua, Fanderiako bidegorria, eta auzo bereko tenis pistak izango dituzte lehiarako eremuak; izan ere, igeriketa proba egin beharko dute 50 metrokoa; 800 metroko lasterketa korrika; eta gaitasun probak ere trebetasun eta indar zirkuitua gaindituta. Modu koordinatuan zirkulatu eta oreka manetnduz erraketa eta pilota eraman, zein sorbalda gainean zakua garraiatu beharko dituzte.
Triatloiak bi trantsizio izango ditu, igeriketatik trebezia probara eta handik, lasterketara. Bi trate horietan parte hartzaileek modalitate bakoitzerako beharrezko ekipamendua jantzi eta kerantzi beharko dute. Ekipamendu hori, gainera, parte hartzaile bakoitzak eraman beharko du: txankletak, bainu jantzia, txanoa, igeriketarako betaurrekoak, kamiseta eta korrika egiteko zapatilak.
Hidroterapia eta igerileku eremuak itxita izango direla jakinarazi du udalak proba bitartean, 09:00etatik 14:00etara.
