Plater tiraketa egin dute Ibargain elkarteko kideek
50. urteurrena ospatzeko jarduerak antolatu ditu elkarteak. Arkaleko zelaian izan zen lehiaketa, eta bi kategoriatan banatuta aritu ziren parte hartzaileak.
Ibargain elkarteak ekintza mordoa prestatu ditu 50. urteurrena ospatzeko, eta horien artean dago asteburuan egin zuten plater tiraketa.
Arkaleko zelaian elkartu ziren parte hartzaileak, eta kontatu dutenaren arabera “oso giro politean joan zen goiza”. Hogei pertsona inguruk hartu zuten parte, eta bi kategoriatan banatuta egin zuten lehiaketa.
Hori horrela, Ibargaingo bazkideen kategorian Oiartzek eta Mikel Osak berdinketa lortu zuten hogeina plater hautsita. Azkenean, Oiartzek lortu zuen lehenengo postua, Osak bigarrena eta Andoni Iragorrik hirugarrena.
Jarduera amaituta, bazkaria egin zuten Ibargain elkartean bertan, eta hogeita hamar lagun inguruk giro onean bazkaldu zuten. Egun osoan giro polita nagusitu zela azpimarratu dute antolatzaileek.
