'Euskal moztaileak munduan' dokumentala eta solasaldia, ostiralean
Dokumentaleko protagonisten solasaldia egingo dute udal areto nagusian, eta Herritu dinamika ere aurkeztuko dute.
Oarsoaldeko Gure Eskuk antolatuta, ostiralean (hilak 29) Euskal moztaileak munduan dokumentalaren proiekzioa eta protagonistekin solasaldia egingo dituzte udal areto nagusian.
Hitzordua 18:00etan hasiko da, eta egunean bertan Herritu dinamikaren aurkezpena egingo dute. Gainera, behin proiekzioa amaituta mokadutxoa egiteko aukera egongo dela jakinarazi dute antolatzaileek.
Azkenik, gehitu dute Oiartzuarra naz ta harro noz dinamika berrartuko dutela, eta diote hurrengo egunetan eskaerekin hasiko dira. Horretarako formulario bat jarriko dute martxan, eta presentzialki hura betetzeko lehen egunak ostirala bera eta Sagardo Eguna (larunbata, hilak 30) izango dira.
