Bertso Eskolako ikasle izan direnen gurasoekin saioa antolatu du udalak
Indarkeria matxistan aditua den eta beste jazarpen kasu batzuetan esku hartu izan duen profesional batek gidatuko du.
euskaraldiaren harira adierazpen instituzionala egin du Errenteriako Udalak.Izaro Perez Loperena Xnepelar Bertso Eskolako kide batek egindako erasoak publikoki salatu zituzten atzo Oreretako Mugimendu Feministak, Oiartzungo Feministen Asanbladak eta Bertsozale Elkarteak. Errenteriako udalak irmo gaitzetsi zituen eraso horiek, eta ulertuta erasotzaileak ezinbestekoa izan zuela Bertso Eskola horretako gutxienez pertsona baten babesa, eskolaren jarduera etetea erabaki zuen.
Egindako adierazpenean gainera, erasoak eragindakoen neska eta emakume gazteen zein haien guraso eta ingurukoen eskura jarri zituen udal baliabideak jokabide desegoki horien guztien kudeaketa pertsonal eta kolektibo egokia ahalbidetzeko.
Gaur jakinarazi du, testuinguru horretan datorren asteartean, ekainak 2, 18:30ean, Joxepa Antoni Aranberri anitzenean saio bat antolatu duela, bai ikasturte honetan Bertso Eskolako ikasle izan direnen gurasoekin, baina baita azken urteetan bertso eskolan ikasle jardun diren haur eta nerabeenekin ere, “jakina baita salaketak jaso dituen pertsona urte luzez egon dela, modu batera edo bestera, Bertso Eskolaren jardueran inplikatuta, eta salatu diren gertaerak ez direla gertaera isolatuak”.
Saio hori indarkeria matxistan aditua den eta beste jazarpen kasu batzuetan esku hartu izan duen profesional batek gidatuko du eta familiak deitzen ditu udalak saio horretan parte hartzera,” kudeaketarako tresna egokiak izan ditzaten lagungarri izango zaielakoan.”
