Errenteriarentzat beste bi garaipen Herriartekoan
Errenteria, finalerdietan da; aurkaria, Deba. Joaneko partidak Debako Aldats pilotalekuan jokatuko dituzte asteburuan. Ordua oraindik zehaztu gabe dago.
Ruben ezkerrean, eta Anatz eskuinean. Osaba-ilonak Errenterian eta Oiartzunen ari dira lehiatzen hurrenez hurren.Eple Lanak egoki betetzen ari da Errenteria Herriartekoan. Partidaz partida tantoak biltzen ari dira, eta bide horretan jarraitzen du taldeak erreminta modalitatean. Asteburuan Agustina Otaola pilotalekuan Oiartzunen kontra jokatutakoan, bi garaipen etxekoek. Larruzko pilotan, Eskisabel eta Ruben 35-15 markagailuarekin irabazle; Pala motzean beste hainbeste Yorel eta Abelek, 40-29 irabazita Oiartzun.
Markagailuek kontrakoa iradoki badezakete ere, pilotakada askoko tantoak izan ziren bi partidetan, errematean asmatuta.
Errenteria beraz, finalerdietan da; aurkaria, Deba. Joaneko partidak Debako Aldats pilotalekuan jokatuko dituzte asteburuan. Ordua oraindik zehaztu gabe dago.
Bestalde Euskal Herritik Mundura Absolutu kategoriako Munduko Txapelketarako aurre hautatutakoen txapelketa jokatzen ari den EPLEko Rubenek ez zuen garaipena lortu ligaxkaren azken jardunaldian Gatikan. Landetarekin aritu zen EPLEkoa, eta 7-15, 15-14 eta 3-10 egin zituzten.
Trinketeko Euskal Ligan EPLE A finalerdietarako sailkatu da. Taberna, Chiapuso eta Belokik osatutako taldea, beraz, bikain. Banakakoan, oraindik ere bi jardunaldi dituzte aurretik, ligaxka fasea bukatzeko.
