Urtebete egin du Herritarren Arreta Zerbitzurako bulegoak
HAZek 140 tramite egiteko aukera eskaintzen du, baita udalekoak ez diren beste kudeaketa batzuk egiteko parada ere.
Urtebete egin du Oiartzungo Herritarren Arreta Zerbitzurako bulegoak, eta aurrez aurreko 11.000 bisitatik gora izan ditu. Bulegoan lau langile egoten dira 07:30etik 15:00etara, astelehenetik ostiralera, eta herritarrei arreta integrala eskaintzean da helburua.
Bulego horretaz gain, Arraguako topoaren geltokian eta herriko plazako arreta bulegoaren beraren kanpoaldean dauden tramitazio makinek ere eskaintzen dute norberak bere kabuz hainbat izapide egiteko aukera. Are, diotenez, 2025eko otsailetik hona ia 4.000 izapide egin dira makina horietan.
HAZ guneak zenbait zerbitzu eskaintzen ditu; hala nola, erregistro eta eskaerak, errolda, tasa eta zerga ordainketak, udal diru laguntzak, baimenak…. Orotara 140 tramite egin daitezke bertan, baita udalekoak ez diren beste administrazio batzuetakoak ere.
Zerbitzuak urtebete egin duen honetan, udalak haren balorazio “oso positiboa” egin du. Joana Mendiburu Garaiar alkateak adieraz duenez “legealdi honetako asmoetako bat zen Herritarren Arreta Zerbitzurako gune bat sortzea herritarrei zuzeneko arreta hobea eskaintzeko eta udalarekin harremana errazteko”.
