"Osakidetza gurea da, eta osasungintza sistema publiko kalitatezkoa nahi dugu"
EAG Etengabeko Arreta Guneak medikurik gabe ari direla salatu dute gaur goizean Osasungintza Publikoaren Aldeko Herri Plataformek.
EAG Etengabeko Arreta Guneak medikurik gabe ari direla salatu dute gaur goizean Osasungintza Publikoaren Aldeko Herri Plataformek. Elkarretaratzeak egiten ari dira Donostialdeko ESIaren, Erakunde Sanitario Integratua, eremuaren barruan egoera larria dela eta aterabidea eskatzeko, eta gaur Errenteria-Oreretan egin dute protesta, Iztieta anbulatorioaren aurrean. ESIen arteko konparaketa egin da Araba, Bizkai eta Gipuzkoan, Donostialdekoa da egoera larriena bizi duena; bertan EAG bete gabeko mediku txandak %36,4 da.
Jakinarazi dutenez, Donostialdean hiru puntu baino ez daude asistentzia medikuarekin: Hernani, Orereta eta Zarautz. “Horietan mediku asko falta dira, partzialki edo guztiz, eta horrek, ez dagozkien lanak egitera behartzen ditu erizainak”.
Donostialdeko ESIko egoera katastrofikoa salatzeko arloko arduradun Maite Martinez gerentearekin bilera eskatu dutela, “egoera konpontzeko planteatzen den alternatiba ezagutzeko. Hilabete ondoren ez dugu erantzunik jaso”. Argi esan du DOPA Donostiako Osasun Publikoaren aldeko Herri Plataformako kide Kontxi Rebollo Ortega, “Arratsaldeko 18:00etan medikuaren beharra badugu gure ESIra joaten gara, baina hori kentzen ari dira medikurik ez dagoelako Etengabeko arreta Gunean. Hori horrela, zuzenean Ospitalera joaten gara eta kolapsatu egiten dugu larrialdietako zerbitzua”.
Kezkagarriena haren esanetan ohitzen ari direla “gureak diren eskubideak galtzen. Izan ere, Osakidetza ez da ez EAJ edo PSE-EErena, gurea da, eta ongi funtzionatzea nahi dugu, eta ezin ditugu gure eskubideak galdu”.
Eskaera zehatza, kalitatezko osasungintza sistema publikoa nahi dute, mediku arreta bermatzea.
