Abusu egoeren gaineko saioa antolatu du udalak adingabeen gurasoentzat
Errenteriako Udalak topaketa bat antolatu du adingabeen familiei begira, informazioa eta laguntza psikologikoa emateko.
Joxepa Antoni Aranbarri Anitzenean du egoitza Lau Haizetara Euskaltzaleon Topaguneak Informazioa eta laguntza psikologikorako topaketa antolatu du Errenteriako Udalak adingabeen guraso eta tutoreei begira. Erabakia, Bertso Eskolako ikasleen gurasoei zuzenduta profesional batekin egindako saioen ondotik heldu da, “ikusi dugulako herritar guztientzat interesgarria dela gai horietan sakontzea, eta beraz, informazio bilera bat antolatu dugu”.
Saioa, adingabeen guraso eta tutoreei begirakoa izango da, “herritarren kezka logikoaren aurrean, elkarrizketarako eta barrena husteko gune seguru gisa pentsatua”. Udalak azaldu duenez, topaketak bertaratutakoen emozioei eustea lehenetsiko du eta egoera horrek, norbanakoarengan, familarengan, gizartearengan eta eskolarengan duen eragina kudeatzeko tresna praktikoak emango ditu.
Familia eta bikote terapian aditu den Jaume Galvany Larrrouquerek gidatuko du saioa; eskarmentu handia du bai praktika klinikoan, bai unibertsitate irakaskuntzan, Euskal Herriko Unibertsitatean. Horrez gain, Gipuzkoako Foru Aldundiko sexu abusuen gaineko talde espezializatuan aritu da lanean zenbait urtez.
Topaketa, hilaren 18an, ostegunarekin izango da 17:00etatik 19:30era Joxepa Antoni Aranberri anitzenearen azken solairuan. Sarrera libre izango da deitutako parte hartzaileen profilarentzat, lekua bete arte.
