Bizilagunekin hartu emana aberatsa izan da
positiboki baloratu ditu udalak auzo batzarrak, bilera horien sasoia bukatu berritan. Denera, 600dik gora aritu dira auzoz auzo udalak egindako elkarrekiko entzute prozesuan.
Errenteriako Udalak balorazio positiboa egin du auzo batzarrak bukatu berritan. Auzoz auzo egindako entzute prozesu horretan, 600dik gora herritarrek hartu dute parte, zehazki 620 izan dira udalak emandako datuen arabera. Horiek 15 auzo batzarretara bildutakoak, denera, 327 emakume eta 293 gizon.Batez besteko adina, altua, baina adin tarte guztiak izan dira ordezkatuta.
Udala, erantzunarekin eskertuta oso, “konpromisoa berresten dugu proposamen eta eskaerei erantzuteko lanean jarraitzeko”. Udalak auzo bakoitzarekin lotutako proiektu nagusiak aurkezteko aukera izan du, baita duela bi urteko batzarretan jasotako eskaera eta oharrei buruzko itzulketa egiteko ere. Gainera, herritarren proposamen, kezka eta eta eskaera berriak egin eta partekatzeko aukera izan dute herritarrek; azken hori izan dela atzarren arlorik garrantzitsuena adierazi du tokiko erakundeak. Ekarpenak eta proposamenak askotarikoak, baina oro har, eguneroko bizitza hobetzeko balio dutenak.
Udala hasi da dagoeneko bilerek eman dutena aztertzen, baita horietatik eratorritako egitekoen zerrenda, behin lehentasunak eta oreka ezarrita, lehenbailehen gaiei erantzuten asteko.
Azaldutako gai askoren artean, herritarren borondatearekin lotutakoak: bereziki txakurren gorotzak jasotzea, baita arratoien presentzia edota zabor boluminosoen jasotzea ere. Udalak konpromisoa hartu du erronka horietako bakoitzari erantzuten laguntzeko, dagoeneko martxan dauden neurriak indartuz, eta berriak martxan jarrita. Bide horretan, herritarrei dei egin die jarrera eredugarrien bidez erronka horiei erantzuteko euren ekarpena egin dezaten egunero. Besteak beste, txakurren gorotzak jaso, janaria kalean ez utzi arratoiak elikatzeko, edota zabor boluminosoak jasotzeko udal zerbitzua erabiltzea jarri ditu nabarmen, besteak beste.
