Papresa erosi du CL Grupo Industrialek
Donostiako Merkataritza Epaitegiak ontzat eman du operazioa, likidazio eta salmentaren artean, bigarrena aukerarik egokiena dela iritzita.
Papresa CL Grupo Industrial (Extremadura, Espainia) Papresaren jabea da. Hala aurreikusia bazegoen ere, eskaintza bakarra enpresa horrek egin duelkao azkenean, eta langileen batzordearekin adostasunera heldu delako, baina epailearen oniritzia jaso zain ziren. Oniritzi hori, atzo, astelehena heldu zen. Donostiako Merkataritza Epaitegiak begi onez jo du hartzekodunen lehiaketan zen lantegiaren salerosketa, azken hori, likidazioa baino irtenbide egokiagoa delakoan.
Hori horrela, CL Grupo Insustrialek 10.020.000 euro ordaindu ditu efektiboan paper fabrika bere egiteko. Kopuru horri, bestelako diru kopuruak gehitu behar zaizkio, eta 40 milioi euro inguru hartuko ditu bere gain erosleak enpresa bere egiteko.
Papresa erosteko akordioa itxi zuten lantegiko plantillak eta Badajozeko (Extremadura, Espainia) CL Grupo Industrial taldeak bi asteko bileren ostean hilaren 9an. Atzo berriz, hartzekodunen konkurtsoaren prozesua gidatzen duen epaileak erabaki zuen irtenbiderik egokiena zela eta oniritzia eman erosketari.
CLk 40 milioi euroko inbertsioa egingo du. Hasieran proposatutakoak baino 19 subrogazio gehiago onartu ditu enpresa talde horrek, Papresako langileek lantegiaren bost lan txandak bermatzeko ezinbestekoa jo ondoren kopuru hori. Hori horrela, hasieran aurreikusiak zituen 148 langileen ordez, 167 mantenduko ditu CL taldeak, plantillaren %80. Hori onartu bai, baina aldi berean lanaldia asteko 35 ordutik, 37,5 ordura pasatzea, eta datozen bi urtean soldatak izoztuta izatea exijitu du.
Bi aldeek PRECOan baldintza horiek onartuta, argi berdea CLk, Papresa bere egiteko.
Plantilla murrizketak batez ere bulego eta administrazio arloan egingo dituztela jakinarazi dute bestalde; arlo horietan 20 eta 30 lanpostu artean murriztuko ditu CL enpresa taldeak.
Papresak apirilaren 23an aurkeztu zuen borondatezko hartzekodunen konkurtsoa.
