50. urteurrenaren harira barrikotea egin du Ibargain elkarteak
Larunbatean izan zen hitzordua, eta 70 lagun inguru elkartu zirela kontatu dute. Bazkariaren ondotik musika izan zuten lagun.
Ibargain elkartearen jardunak ez du etenik, eta 50 urtean egin duten bide hori handira ospatzen ari dira bertako kideak diren bizilagunak.
Ikasturtean zehar zenbait jarduera egin dituzte aitzakia berdinarekin, eta azkena larunbatean egin zuten. Oraingoan barrikotea egin dute, eta 70 bat lagun elkartu zirela kontatu dute kideek. “Jai giro ikaragarria sortu zen”, gehitu dute.
Egun horretan Larregain, Baleio eta Ordozelai sagardoa izan zutela nabarmendu dute, eta musikaz girotuta bazkaldu zutela kontatu dute. Bazkalostean ere musika izan zuten lagun, eta, besteak beste, zozketak ere egin zituztela nabarmendu dute.
