Pasaia osotik argazki rallya, Alfonso Zarranzen omenez
Iganderako (hilak 21) antolatu dute Trintxer Kulturalak eta Pasaiako Udalak Alfonso Zarranzen Oroimenezko IV. Argazki Rallya.
Iazko sari emate ekitaldiko talde argazkia da honakoa.Trintxer Kulturala Trintxer Kulturala elkarteak Alfonso Zarranzen Oroimenezko IV. Argazki Rallya antolatu du iganderako (hilaren 21erako). Pasaiako kaleak izango dira rallyarekin bat egiten duten argazkilarien lan-eremu, lau barrutietakoak, eta Trintxerpetik hasita. Pasaiako Udaleko Kultura Sailaren babesa du kultur jarduerak. Sormen bisuala sustatzea, eta aldi berean Pasaiako kultur mugimenduan garrantzitsu izan zen Alfonso Zarranz omentzea du helburu.
Trintxerpen hasi, eta udalerri osoan zehar jaso ahal izango dituzte partaideek irudiak. Argazki horiek, irteeran emango diren bost gairen araberakoak izan behar dira. “Parte hartzaileek Pasaiaren izaera, paisaia eta esentzia berezia irudikatzea izango dute helburu”, eta zeregin horretan hasieran jakinaraziko diren bost gai horiek aintzat hartu behar dira. Rallyaren oinarri zehatzak izateko baliatu esteka hau.
Antolatzaileek argazkizaleak nahiz argazkilari profesionalak animatu dituzte rallyan parte hartzera.
Xehetasunak
Argazki rallyan parte hartzeko izen ematea igandeko (hilaren 21eko) 09:00etatik 09:30era egin behar da Trintxerpeko Ur-Gaiñ elkartean (Euskadi etorbidea, 53). 12 euroko prezioa du izen emateak. 14:00ak arte dute aukera partaideek argazkiak ateratzeko.
Esana dago bost gai zehatzen araberakoak izan behar direla argazkiak. Hala, partaide bakoitzak epaimahaiaren aurrera sei argazki aurkeztu behar ditu: planteatutako bost gaiekin bana, eta kontroleko argazkia. Horiek hilaren 28ko 23:59ak baino lehen bidali behar dira posta elektronikoz rallyaren helbidera.
Sari banaketa ekitaldia uztailaren 24an egingo da, 20:00etan, Trintxerpeko alkateordetzan. Emango diren sariak honakoak dira:
Bilduma onenei sariak:
- 1. saria: trofeoa eta 200 euro.
- 2. saria: trofeoa eta 150 euro.
- 3. saria: trofeoa eta 100 euro.
Gai bakoitzaren argazkirik onenak
- Bost gaien artetik argazki onenaren egileei trofeoa emango diete.
Alfonso Zarranz Memoriala Sari Berezia
- Trofeoa eta 150 euro.
