Lur Gardenen artilea landuko dute zuzenean
'Emakume ehuleen akelarrea' egingo dute bihar, 16:30ean hasita. Artilearekin lan egiten duten emakume eta enpresak elkartuko dira bertan.
Lur Live elkarteak artearekin eta naturarekin lotutako jarduerak egiten ditu, eta, besteak beste, pertsonan eta kultura ingurune naturaletara hurbiltzea sustatu nahi du.
Jaialdiak zenbait hitzordu barne biltzen ditu, eta bihar Oiartzunen lurreratuko da, Lur Gardenen Emakume ehuleen akelarrea jarduera egingo baitute. Artilearekin egingo dute lan biharkoan, eta, beraz, bertaratzen direnek ehungintza prozesua zuzenean ikusteko aukera izango dute.
Biharko topaketan bost enpresa eta ile mozketako teknikari bat elkartuko dira, eta artilea landuko dute zuzenean lorategiko zenbait puntutan. Horrexegatik, bisitariek gunea zeharkatu eta materialaren eraldaketa prozesu osoa ikusteko aukera izango dute.
Jarduera horretako protagonistak Olatz Pujana, Birthe Kurthe, Mia Rissane, Miren Torrealdai, Ana Laarson eta Joseba Attard izango dira, eta eurekin batera ikusleek zenbait esku hartzeko egiteko aukera izanago dute.
Emakume ehuleen akelarrea esperientzia bizi nahi duenak sarrerak erosi behar ditu esteka honetan.
