AP-8ko 11. irteera itxiko dute Oiartzunen Bilboko norabidean
Lanak egin behar dituztela eta, gaur 22:00etan hasita 11. irteera itxiko dute. Mozketa gutxi gora behera 04:00ak arte izatea aurreikusi dute.
Gaur 22:00etatik hasi eta 04:00ak arte AP-8ko 11. irteera itxiko dute Oiartzunen, Bilboko norabidean. Zenbait lan egin behar dituzte, eta irteera hori itxita dagoen bitartean Oiartzun zein Errenteriara joan nahi dutenek bi bide hauek erabili beharko dituzte:
Batetik, Bentaketik irten eta Jaizubiako Hiribideko biribilgunean buelta eman ondoren, GI-636 errepidea hartu behar da Gaintxurizketatik Oiartzunera joateko. Bestalde, azaldutako aukeraz gain, GI-20tik jarraitu behar da Pasaia/Errenteriako bigarren irteeraraino.
