Suziria, traka eta pintxo potea festei hasiera emateko
Gaur 18:30ean botako dituzte suziria eta traka. Astelehenean piztuko dute beroagatik atzeratutako San Joan sua.
Gaur (hilak 25, osteguna) hasiko dira festak Altzibarren suziria eta trakarekin batera, eta pintxo potearekin amaituko dute lehen eguna. Lasaia izango da gaurkoa, baina jaiez gozatzeko beste lau egun dituzte bizilagunek.
Kontzertuak, haurrentzat jarduerak, jolasak… denetarik antolatu du jai batzordeak. Tenperatura altuak egin ditu egun hauetan, eta beraz hilaren 23ko San Joan sua ez piztea erabaki zen. Hala ere, aurreratu zuten hilaren 29an piztuko dutela, 21:00etan, festei bukaera emateko.
Hona hemen jai batzordeak egunez egun antolatu duen egitaraua:
- Osteguna, hilak 25
- 18:30. Festei hasiera emateko suziria eta traka.
- 18:30 – 20:30. Pintxo potea.
- Ostirala, hilak 26
- 18:00. Buruhandiak txistulariekin.
- 20:00. Elkarretaratzea dultzaineroen laguntzarekin.
- 21:00. Herri afari merienda plazan: tortilla jatea, sardina jatea. Afarian zehar zenbait zozketa egingo dira.
- 23:00. Dj Trikitrack auzoko plazan.
- Klarene plazan: Zurrounk, The old babies eta Urtzi Kl Dj.
- Larunbata, hilak 27
- 10:00. Altzibarko XV. haur eta gaztetxoen duatloia.
- 11:00 – 13:00. Munduko dantzak erakustaldia plazan.
- 13:00. Toka txapelketa helduentzat eta bote txapelketa haurrentzat.
- 14:00. Jubilatuen bazkaria Bazkun Zahar Berri elkartean.
- 16:30. XL. truk txapelketa Esku Garbia elkartean.
- 17:00. Basket 3×3 txapelketa Agerrealden. Izen ematea 16:00etan.
- 17:30. Danborreroen poteoa txaranga eta buruhandiekin.
- 19:00. Haurren eta helduen danborrada Olaldetik hasita.
- Ondoren, afaltzeko aukera plazan.
- 22:30. Bingo musikatua.
- 22:30. Kontzertuak Klarene plazan: Arkale, Aximila, Pixa eta Dj Maiuxx.
- 00:00. Dj Niko auzoko plazan.
- 01:00. Jolasak, sorpresak eta pink hortera fest.
- Igandea, hilak 28
- 09:00. Diana
- 10:30ean hasita, artisauen azoka plazan.
- 11:00. Erraldoi txikien kalebuelta.
- 12:00. Bermujazz Peppermint taldearekin.
- 12:00. Gaztetxoen IV. bizkotxo eta tarta txapelketa.
- 14:00. Paella bazkaltzeko aukera plazan.
- 17:30. Haur jolasak eta txokolatada.
- Ondoren, 19:30 aldera: apar festa Olalden.
- 20:00. Afaltzeko aukera plazan.
- 22:30. Suzko zezena.
- Ondoren, txispun kalejira.
- Astelehena, hilak 29
- 21:00. Alerta gorriagatik atzeratutako San Joan sua.
