Banderola eta 'Oiartzuarra naz ta harro noz' elastikoak eska daitezke
Uztailaren 19a izango da eskaerak egiteko azken eguna, eta abuztuaren 1eko goizean banatuko dituzte horiek. Herritua ere egin daiteke.
Oiartzungo Gure Eskuk jakinarazi duenez, datozen hiru ostiraletan Oiartzuarra naz ta harro noz kamiseten eskaerak jasotzeko zein Herritu egiteko aukera egongo da. Gainera, diote aurten banderola ere egin dutela Xanistebanetan etxean jartzeko, eta berrikuntza horrekin batera ikurrinak banatuko dituztela.
Uztailaren 3an, 10ean eta 17an egongo da eskaerak jasotzeko zein Herritua egiteko aukera Doneztebe plazan, eta, aldiz, eskari berriak egiteko azken eguna uztailaren 19a izango da.
Esteka honen bitartez egin behar dira eskariak, eta aurreratu dute abuztuaren 1eko goizean banatuko dituztela horiek.
Xehetasunak
Oiartzuarra naz ta harro noz elastikoak:
- Kolorea: zuria edo beltza
- Prezioak:
- Helduen kamiseta: 12 euro
- Haurren kamiseta: 10 euro
- Banderola (+ ikurrina): 10 euro
- Neurriak:
- Haurrak (4-12 urte): 4, 6, 8, 10, 12
- Helduak (estuak): S, M, L, XL, XXL
- Helduak (zabalak): S, M, L, XL, XXL, XXXL
