Etxebizitza tasatuen zozketako behin behineko zerrenda, ikusgai
Urteko bigarren zozketa hilaren 29an egingo dute, eta alegazioak aurkezteko azken eguna hilaren 10a da. Behin betiko zerrenda 20an argitaratuko dute.
Elizalde auzoan dagoen logela bateko etxebizitza bat zozkatuko dute. Bigarren eskukoa da. Aste honetan onartu dute alkate dekretuz etxebizitza tasatuen urteko bigarren zozketarako onartuen zerrenda. Udal erregistroan dauden eskatzaileek dute onartuen zerrenda ikusteko aukera, eta hori SMS bitartez jaso duten kodearen bidez ikusi ahal izango dute, esteka honetan.
Etxebizitza tasatuen eskatzaileen udal erregistroan izena emanda dauden 268 familia unitatetik 114 daude uztaileko zozketarako onartuen behin behineko zerrendan bertan parte hartzeko bete beharreko baldintzak betetzen dituztelako eta beren lehentasunek zozkatuko den etxearen ezaugarriekin bat egiten dutelako. Hortaz, onartuen behin behineko zerrendan ez daudenek ezingo dute uztaileko z0zketan parte hartu.
Hilaren 10a da alegazioak egiteko azken eguna, eta behin betiko zerrenda hilaren 20an argitaratuko dute. Zozketa, berriz, hilaren 29an izango da.
Bigarren zozketa horretan Elizalde auzoan dagoen logela bateko etxebizitza bat zozkatuko dute, bigarren eskukoa. Bizitzak ez du garajerik ezta trastelekuri eta, eta 133.750 euroko behin behineko prezioa du BEZik gabe.
