'Oarso' aldizkari berria gaur zortzi aurkeztuko dute
Aurkezpen irekia izango da kolaborazio guztiak eskertu eta eduki batzuk egileen eskutik ezagutzeko.
Oarso aldizkariaren ale berria aurkeztuko du udalak gaur zortzi, ostirala. Aldizkarira bildutako kolaborazio guztiak eskertu nahi ditu ekitaldi horren bidez, baina baita landutako edukietako batzuk egileek eurek lehen eskutik azaltzea ere. Hori horrela, herritar denak deitu ditu parte hartzera udalak, baita erredakzio batzordeak ere.
Aurtengoak 342 orrialde eta 49 kolaborazio ditu. Denera, 700 ale argitaratu dira eta 7,55 euroan izango dira salgai hilaren 13tik aurrera, herriko liburu denda, kiosko eta saltoki kolaboratzaileetan.
Halaber, Errenteriako Udalaren webgunean eskuragarri egongo da doan irakurri eta deskargatzeko (klik hemen).
Niessen kulturguneko auditorioan izango da aurkezpena, hilaren 10ean, 18:30ean. Sarrera librea izango da aforoa bete arte.
