AP-8ko Oiartzungo 11. lotunea itxiko dute bihar gauean
Bilboko norabideko 11. lotunea itxiko dute 22:30etik 00:00etara. Irun Bentak-eko irteera erabili beharko da Gaintxurizketatik Oiartzun eta Errenteriara iristeko.
Bidegik jakinarazi duenaren arabera, hilaren 9ko 22:30etaik aurrera AP-8ko 11. lotuneko zenbait gune itxiko dituzte argiteria aldatzeko. Itxiera Bilboko norabidean, Oiartzungo 11. lotunean izango da, eta 22:30etik 00:00 ezingo da bertatik igaro, GI-2134 errepidearekin lotzen den gunean farolak aldatuko baitituzte.
Hori horrela, tarte horretan lotunea erabiltzea aurreikusita zuten pertsonek Irun-Bentak irteera erabili beharko dute, eta Jaizubiako biribilgunean buelta eman ondoren GI-636 errepidea hartu beharko dute Gaintxurizketatik Oiartzun eta Errenteriara iristeko.
