Hilaren 23an egingo dute artilea biltzeko kanpaina
Gaetxen izango da bilketa, 08:00etatik 16:00etara, eta horretarako banatutako zakuetan eraman behar da artilea.
Atzo, hilaren 7an izan behar zen artilea biltzeko kanpaina, baina hitzordua hilaren 23ra (osteguna da) atzeratu dute. Hortaz, bilketa Gaetxen izango da, 08:00etatik 16:00etara.
Jakinarazi dutenez, artilea egunean bertan eraman behar da Gaetxera horretarako propio banatutako zakuetan eta esandako ordutegian. Azkenik, azpimarratu dute ongi biltzeko eta tratamendua egokia izateko, beste hondakinik gabe eta ahalik eta garbien egon behar duela artileak.
Informazio gehiagorako 943 49 02 19 zenbakira deitu behar da.
