'Erremontari herriz herri' ostiralean, Madalensoron
Bi partida jokatuko dituzte hilaren 17ko hitzorduan, eta partaideetako bat Ugaitz Susperregi oiartzuarra izango da.
Oriamendi Bizi Erremonteak antolatuta, Erremontari herriz herri egitasmoak Oiartzunen egingo du geldialdia ostiralean (hilak 17). Zehazki, 19:00etan hasiko da hitzordua Madalensoron, eta bi partidaz gozatzeko aukera izango dute herritarrek.
Lehen partidan Susperregi eta Zubiri Aiestaran VII eta Aiestaran VI.aren aurka ariko dira. Lehen bi setak 15 tantora izango dira, eta berdinduz gero hirugarren seta zortzi tantora izango litzateke. Bigarren partidan, berriz, Aldabe eta Barrenetxea IV lehiatuko dira Ezkurra II eta Azpirozen aurka.
