Haurrek girotu dute Pasaiako barruti urdina

Haurren danborrada nagusitu da gaur Trintxerpeko jaietan. Dozenaka bizilagun hurbildu dira barrutiko txikienak zein herri kirolak ikustera.

Leire Perlines Apalategi

Pasaia

2026/07/18

Trintxerpeko karmenen txanda da asteon, eta horiekin amaitzen ari dira pixkanaka aurtengo Pasaiako jaiak. Asteazkenean eman zieten horiei hasiera, eta bihar arte (igandea, hilak 19) jai giroa nagusituko da barruti horretan. Garaguneko kideek bota zuten suziria, eta une horretatik bertatik bizilagunak pozik, barruti urdineko jaiak ospatzeko unea iritsi zelako.

Bost egunetan zehar herritarrek goza dezaten egitarau betea ondu du, beste behin, jai batzordeak, eta dagoeneko amaiera gertu badago ere, gaur zein bihar bada oraindik zertaz gozatu.

Gaur arratsaldean, esaterako, kuadrillentzako jolasak, sardina jana edota musika izango dira nagusi. Biharkoan, berriz, haur lasterketa, herri bazkaria, mus txapelketa eta musika dira programan aurki daitezkeen ekitaldietako batzuk.

Gaur goizean, baina, herriko txikienak batu dituen hitzordua izan da Trintxerpen: haurren danborrada. 12:00etan izan da hori, eta Gudari plazatik eman diote ibilbideari hasiera barrutiko gaztetxoek.

HITZA haurren danborradan zein ondoren Gernika plazan egin dituzten herri kiroletan izan da, eta zenbait irudi bildu ditu:

Pasaia 2026-07-18. Trintxerpe. Haurren danborrada + herri kirolak

Egitaraua

Gaur, hilak 18, larunbata

17:00: Joselontxos txaranga, Gudari plazan.
17:00: Azkueneko danborrada, Ulia etorbidetik.
18:00: Kuadrillentzako jolasak, aurretik izena eman dutenentzat, Aranederreko pistetan.
18:30: Arratsalde pasa Epsilon taldearekin, Serafin Esnaola plazan.
18:30: Sardina jana, Azoka ondoan.
19:30: Old Babies taldearen kontzertua, Gudari plazan.
20:00: Tardeoa Robinson tabernaren eskutik, Azkuenen.
23:00: ELC310, Rafa Norte eta Gonza rap taldeen kontzertua, Serafin Esnaola plazan.
00:00: Itzal erromeria, Gudari plazan. Ondoren, giroa plazan.
02:00: DJ Torras, A 30 Nudos eta Erdibana tabernen eskutik, Serafin Esnaola plazan.

Bihar, hilak 19, igandea

06:30: Diana, Gudari plazatik.
09:20: V. Karmengo Amaren herri lasterketa. Handbike modalitatekoen irteera, Gudari plazatik.
09:30: V. Karmengo Amaren herri lasterketa. Korrikalarien irteera, Gudari plazatik.
10:30: Haur lasterketa, Euskadi etorbidetik.
12:00: Mariatxiak Robinson tabernaren eskutik, Azkuenen. Ondoren, Pixa taldearen kontzertua.
12:30: Illunbe bandaren emanaldia, Serafin Esnaola plazan.
13:00: Lasterketako sari banaketa eta bukaerako festa, Gernika plazan.
14:00: Herri bazkaria, Azkueneko parkean.
16:30: Mus txapelketa, 1 30 Nudos tabernak antolatuta, Serafin Esnaola plazan.
17:00: DJ Nano, Azkuenen.
18:00: Emakumeen danborrada, Arrandegi kaletik.
18:30: Kalean otso, etxean uso Patata Tropikalaren emanaldia haurrentzat, Gudari plazan.
18:30: Zerumuga taldearen kontzertua, Serafin Esnaola plazan.
21:30: Bandaren jaitsiera, alkateordetzan.
21:45: Zezensuzkoa, Gernika plazan. Ondoren, giroa Gudari plazan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Haurrek girotu dute Pasaiako barruti urdina

Gipuzkoa

Gipuzkoako Foru Aldundiak aitortza egin die Lourdes Herrastiri eta Paco Etxeberriari, memoria demokratikoa berreskuratzen egindako ekarpenagatik

Triangulo de Amor Bizarro, Shego, The Sadies eta Marte Lasarte izango dira Bolo-Bolo Weekend jaialdian

Donostiako Udalak hogei lanpostuko lan deialdi publiko bat egingo du

Donostiako Metropolitan gimnasioko langileek negoziazioaren «blokeoa» salatu dute

Orio tentsio handiko eremu izendatzeko prozesua abiatzea onartu du Eusko Jaurlaritzak

Gizon bat hil da Anoetan, trenak harrapatuta

Donostiako Bagera euskaltzaleen elkartea omenduko dute piratek

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira