Donibaneko Santioak, Pasaiako azken jaiak
Trintxerpeko karmenak bukatu ondoren, Donibaneko santioak hasiko dira ostiralean. Sanjuandarrak hilaren 31ra arte murgilduko dira festa giroan.
Atzo Trintxerpeko karmenak itxi ondoren, Pasaiako azken herriko jaiak hasiko dira ostiralean: Donibaneko santioak. Sanjuandarrak hilaren 24tik 31ra bitartean murgilduko dira festa giroan, eta barrutiko jai batzordeak prest ditu jada aurtengo jaiak. Festek ostiraleko 20:00etan egingo dute eztanda, eta Pasaia-Lezo Lizeoak jaurtiko du aurtengo txupinazoa, aurten 50 urte bete baititu ikastolak. Hortik aurrera proposamen mordoa topatuko dituzte sanjuandarrek eta bisitariek. Hona hemen programazioa egunez egun:
Santioak 2026
Hilak 24, ostirala
- 18:00: Poteoa Burrunba elektrotxarangarekin, Patxikutik Santiago plazarantz.
- 19:00: Buruhandiak Meipitik plazara. Santiago plazan erraldoiekin bat egingo dute.
- 20:00: Agurra, txupinazoa eta ikurrinaren igoera, Santiago plazan. Pasaia-Lezo Lizeoa izango da omendua, bere 50. urteurrenagatik.
- 21:30: Gazte afaria Santiago plazan.
- 23:00: Zatekeen erromeria Santiago plazan. Ondoren, ELC310, Gonza, Rafa Norte eta Gorane rap taldeen kontzertua, Santiago plazan.
- 00:00: Gorka txosnetan.
Hilak 25, larunbata (Santiago Eguna)
- 07:00: Diana Kalean txarangarekin txosnetatik Santiago plazako sokamuturrera.
- 07:00: Diana txistulariekin Meipitik Santiago plazako sokamuturrera.
- 08:00: Sokamuturra.
- 10:30: Gaztelutxoko igoera. Kaskoa eramatea derrigorrezkoa izango da. Izen-ematea Meipin egingo da.
- 12:00: Kantu jira arrantzalez jantzita, Meipitik Santiago plazara.
- 17:00: Haurrentzako jolasak eta txokolate-jana Santiago plazan.
- 17:30: Mus txapelketa Bonantzako txosnagunean.
- 18:30: Dantza ikuskizuna Santiago plazan.
- 20:00: Herri kirolak Santiago plazan.
- 22:00: Allur dantza taldearen emanaldia Santiago plazan.
- 23:00: Amador txosnetan.
- 23:30: Enabil Santiago plazan.
Hilak 26, igandea (Santa Ana eta Kuadrilla Eguna)
- 09:30: Ezinduak beren etxeetan jaso eta Santa Ama ermitara eramatea.
- 11:00: Meza nagusia Santa Anako ermitan. Ondoren, salda eta pintxo dastaketa, txistulariek girotuta.
- 13:30: Poteoa gramolarekin Patxikutik Santiago plazara.
- 14:30: Kuadrillen bazkari autogestionatua Santiago plazan. Ondoren, bingo musikala, playback lehiaketa eta zumba herrikoia. Bukatzean, poteoa Pasai txarangarekin alde zaharrean.
- 19:00: Poteoa Kidam magoarekin txosna gunetik hasita.
- 21:00: Gauargi erromeria Santiago plazan.
Hilak 27, astelehena (San Pantaleon Eguna)
- 10:00: Pala txapelketa haur eta gazteentzat frontoian.
- 11:00: Jubilatuen eta arrantzaleen omenezko meza Bonantzako basilikan.
- 14:00: Jubilatuen bazkaria Santiago plazan.
- 15:00: Herriko kuadrillek sardinak eta ikatza jasoko dituzte Arizabalon.
- 16:15: Musika herrian barrena Pasai txarangarekin.
- 19:00: Sardina jana herri osoan.
- 20:00: Javi DJa Santiago plazan.
- 22:30: Arrantzaleen danborrada Konstantzia bandarekin. Ondoren, Javi DJa.
- 00:00: Gorka txosnetan.
Hilak 29, asteazkena
- 11:00: Pala txapelketa haur eta gazteentzat frontoian.
- 12:00: Aurpegi margotzea eta eskulanak Meipiko plazan.
- 13:30: Haurren bazkaria Meipiko plazan.
- 16:30: Arrantza txapelketa haur eta gazteentzat Bonantzan. Ondoren, askaria eta buruhandiak Santiago plazan.
- 18:00: Haur eta gazteentzat karabina txapelketa frontoian.
Hilak 30, osteguna (Ez gaude denok eguna)
- 11:00: Haur eta nerabeen lasterketa Santiago plazatik hasita.
- 11:30: Ur jolasak Santiago plazan. Ondoren haurrentzako sokamuturra ur-zezenekin Errekatik plazara, eta apar festa Santiago plazan.
- 18:00: Oiartzungo dultzaineroek plaza eta herriko kaleak girotuko dituzte desafioa bitartean.
- 18:30: Donibane-Orio desafioa Santiago plazan.
- 21:00: Barrikotea Santiago plazan. Ondoren, Andoni Ollokiegi Santiago plazan.
- 23:00: Zezensuzkoa Santiago plazan.
- 23:30: DJ Jotatxo txosnetan.
- 23:30: Itzalpeko Laguna Santiago plazan.
Hilak 31, ostirala (San Inazio Eguna)
- 07:15: Kalejira txosnetatik hasita Santiago plazaraino. Sokamuturrak dirauen bitartean Pasai txarangak giroa alaituko du.
- 07:15: Txokolate jana Santiago plazan, Eroskik emandako produktuekin.
- 08:00: Sokamuturra.
- 09:00: Itsas-diana Konstantzia bandarekin. Ondoren, herriko kaleetan ibiliko da Konstantzia.
- 11:00: Bateleren desfilea Meipitik, Konstantzia bandarekin.
- 12:15: Bateleren ontziratzea eta estropada. Ondoren, zortzikoa eta sari banaketa.
- 14:30: Bazkari herrikoia Santiago plazan.
- 18:00: Musika Santiago plazan.
- 21:00: Itsas Mendiren danborrada Bonantzatik aterako da Meipirantz.
- 22:30: Su-festa badian, Pasaiako jaiak bukatzeko. Ondoren, ikurrinaren jaitsiera Santiago plazan bateleren eskutik, Itsas Mendiren danborradak lagunduta.
