Osasuna sustatzeagatik aitortza
Gurutze Gorriak hamar herritarri aitortza egin die gaur osasuna sustatzeko egiten duten lana eskertzeko.
gurutze Gorriak omenaldia egin du gaur. Beatriz Alonso Castro, Miguel Erkis Laffage, Jose Luis Iriondo Mujika Pepelu, Fernando Lopetegui Uranga, Enara Maiz Gonzalez, Jose Luis Martin Barrio Txelis, Junkal Mintegia Arregi, Alberto Monroy Oscoz, Antonio Robado Galindo, eta Noski! Liburudenda omenduko ditu gaur Errenteriako Gurutze Gorriak osasuna sustatzeko egiten duten lanarengatik.
Pertsona horiei esker hona adierazi die egunerokoan osasuna sustatzeaz gain, herrian eta auzoetan, hautatua ez den bakardadeari aurre egiteko egiten duten ekarpenarengatik, “pertsona ugariri konpainia egin, eta haien autonomia bultzatuz. Osasuna sustatzea euren osasuna hobetzeko beharrezko bitartekoetarako sarbidea bermatzea ezinbestekoa da”.
Zentzu horretan, gaur omendu dituzten hamar lagun horiek parte hartzerako eta osasun komunitariorako “itsasargiak” direla gaineratu du Gurutze Gorriak: “Modu boluntarioan jarduerak antolatzen dituzte, tailerrak, eta gure auzoetako adinekoen ongizate fisiko eta emozionala bultzatzen duten topaguneak ere”. Euren denbora eta esfortzua “eskuzabal” eskaintzen dutela-eta esker ona: “aldaketa agenteak dira bilatu gabeko bakardadeari aurre egiteko, bizilagunen ongizatearen alde lan eginez. Horrek adinekoen osasuna eta bizi kalitatea hobetzen du. Finean, osasunaren sustapena gizartearen konpromisotik eta ehun sozialetik eraikitzen den erakusle dira”.
Gaurko ekitaldiaren helburua, “humanitate isila” ikusaraztea du Gurutze Gorriak, “gure auzoen taupada den hainbeste pertsonen entrega altruista. izan ere diskrezio osoz eta protagonismorik gabe, lan humanitario oinarrizkoa egiten dute euren ingurune hurbilenean”. Txikiak diruditen ekintzetan jarri du fokua, horiek duten garrantzi “erraldoia” dela azalduta: “Dei bat, konpainia egitea, enpatia keinu bat… horiek dira gure komunitatearen segurtasun emozionala josten duten sareak”.
Gaurko ekitaldian Euskadiko Gurutze Gorriaren presidente Estibaliz Arnaiz, Gipuzkoan Gurutze Gorriak duen delegatua Antxon Amunarriz, Aizpea Otaegi alkatea, eta Errenteriako Udaleko bozeramaile batzordeko ordezkariek hartu dute parte. Urtero moduan, ekitaldiaren barruan, Jesusen Bihotza erresidentziako egoiliarrak ere izan dira, eta Xanti eta Maialen eta buruhandien konpartsak ere bat egin du. Jesusen Bihotza erresidentziako egoiliarrekin batera, erresidentzia horretan direnetako batzuen senideak. Gaurko ekitaldira egoitzak bizi duen egoera eraman dute salatzeko, eta kartelak erakutsi. Besteak beste astean behin baino ez dituztela dutxatzen, edota jatekoak ez duela betetzen oinarrizko kalitatea. HITZAk gaiaren gaineko erreportajea argitaratu du gaurko astekarian.
Omenduek garaikurrak eta diplomak jaso dituzte eta familia argazkia eginda bukatu dute ekitaldia.
