Gorpu bat aurkitu dute Pasaiako badian
Herritar Kalparra eraikinaren parean flotatzen ikusi du gorpua. Oraindik ez dute biktima identifikatu.
Gorpua aurkitu duten inguruaren argazki bat. Pasaian, San Pedroko kaiaren parean gorpu bat ikusi dute flotatzen gaur arratsaldean. Segurtasun Sailaren arabera, 16:00ak aldera herritar batek ikusi du gorpua, eta hark eman du abisua.
Sanpedrotarra Arraun Elkartearen egoitzaren parean zegoen gorpua, Kalparra inguruan. Erreskate taldeek itsasotik lehorrera eraman dute hilotza, lehen ekinbide judizialak egiteko.
Era berean, jakinarazi dute oraindik ez dutela biktima identifikatu, eta gorpua Donostiara eramango dutela autopsia egiteko.
