San Inazio kontzertuak euskal musikagileak lehen lerroan jarriko ditu
Ostiralean egingo du kontzertua EMKE bandak Herriko Plazan 22:30ean, Aitor Mitxelena Rubio zuzendari.
San Inazio kontzertuko irudi bat. Argazkia: Emke Klasiko bat da, eta urtero eserleku guztiak betetzen ditu Herriko Plazan. Aurten ere hala izango da zalantzarik gabe, EMKE andak ez duelako hutsik egiten inoiz. San Inazio kontzertua eskainiko du ostiralean musika bandak 22:30ean hasita azken 30 urteetan egin ohi duen bezala, Herriko Plazan.
Madalenak bukatu berritan eta ia atsedenik hartzeko aukerarik gabe eskainiko du bandak emanaldia Gipuzkoako patroiaren omenez uztaileko agenda estua ixteko. Egutegiko data berezienetakoa da San Inazio eguneko kontzertua, “euskakl musikari, bertako konpositoreei eskainitakoa delako kontzertua”. Aurten ohi moduan, galaz jantziko dute Herriko Plaza, plaza itzali eta soilik monumentuak argiztatuta, “Herriko Plaza benetako espazio eszeniko natural bihurtuko da berriz ere”.
Hiru hamarkada dira musika bandak emanaldia lekualdatzea erabaki zuenetik; Zumardian egiten zuten aurretik 100 urte baino gehiagoz, “baina espazio horrek ez ditu betetzen baldintza akustikoak. Kiosko zaharra desagertu eta taberna eta terrazak ugaritu ziren, eta horrek gutziak agerleku jasoagoa eta intimoagoa bilatzera bultzatu gintuen”.
San Inazio eguneko kontzertuak “xarma” eta “nortasun” berezia dituela esan du EMKEk, eta horretara egoki moldatzen zen espazioaren bila hasi ziren, “kokapen bikainagatik, espazio eszeniko natura egokiagatik, eta akustika bikainagatik Herriko Plazara eraman genuen emanaldia. Lekualdaketarekin, gure musikarien akordeek distira handia hartu dute berriro”.
Bandaren gidaritza Aitor Mitxelena Rubio zuzendariak egingo du eta programari dagokionean, Inocencio Gaztelumendiren Donosti Zarra, Guridiren hamar Euskal Melodia, Jose Manuel Yanci alvarezen Lesaka, Beobideren Rapsocia Vasca eta Pablo Sorozabalen Maite joko ditu bandak. Bukatzeko, berriz, Torre Muzkizen A Igarondo tradizionala eta San Inazio Martxa.
Kontzertuarekin euskal konpositoreen obrak berreskuratzeko bidean sakondu nahi dute, “bai berreskuratzean, bai horien armonizazio, egokitzapen, aurkezpen eta estreinaldi arlotan”.
Denboraldiaren bigarren zatiko emanaldiren bat ere jakinarazi du EMKE Bandak, “Atlantikaldian Bitartean folk eta musika bandak batera ondutako proiektua estreinatuko dugu”. Horrekin batera aipamena, azaroko Santa Zezilia kontzertuari.
