Oiartzungo segalariak fin aritu dira Austrian
Taldekako Sega Txapelketan izan dira Bixente Mitxelena eta Manex eta Joxe Luix Olaiz aita-semeak. Lau taldetatik hiru podiumera igo dira.
Euskal Herriko ordezkariak, tartean, hiru oiartzuarrak. Albiste onak heldu dira Oiartzunera asteburu honetan, urrutitik gainera, Austriako Moosdorf herritik hain zuzen. Izan ere, Taldekako Sega Txapelketa ona jokatu dute bertan Euskal Herriko zenbait ordezkarik, tartean, Manex Olaiz eta Joxe Luix Olaiz aita-semeek eta Bixente Mitxelena oiartzuarrek.
Mitxelena eta Joxe Luix Olaiz gizonezkoen sega txikiko kategorian aritu dira asteburu honetan, oso fin. Lehen postua eskuratu du bikote oiartzuarrak Altzo Jauregi eta Oier Urkolarekin batera.
Bigarren albiste ona gazteak ekarri du, Manex Olaizek oraingo honetan. Gizonezkoen sega handiko kategorian laugaren izan da, Altzo Jauregi, Bixente Mitxelena herrikidea eta Oier Urkiola alboan zituelarik.
Lau taldetatik hiruk podiuma zapaldu dute, hortaz, pozik dira Almitza Sega Elkarteko kideak.
