Bidez Bide-k goizeko zerbitzua eskainiko du irailaren 1etik aurrera
Adinekoen edota mugikortasun murriztua duten lagunen joan-etorriak errazteko garraio zerbitzua indartzea erabaki dute udalak eta Behemendik.
Bidez Bide zerbitzua arratsaldez ere eskainiko dute astelehenetik. Argazkia: Herri Bizia Landa eremuetan bizi diren herritarrei garraio egokitua eskaintzen dien Bidez Bide zerbitzua ordutegi zabalagoa izango du datorren asteartetik (irailak 1). Errenteriako Udalak eta Behemendi Landa Garapeneko Elkarteak zerbitzua indartzeko erabakia hartu dute, haien helburua “joan-etorriak egioteko erraztasunak ematea” baita, besteak beste, osasun eta gizarte zerbitzuetara, erosketak egitera edo administrazio izapideak egitera joateko.
Adikoentzako edota nugikortasun murriztua duten lagunentzako zerbitzu hau doakoa dela gogorarazi du erakundeak. Eta honen bidez, “garraio malguagoa eta erabiltzaileen beharretara egokitutakoa” eskaintzen dutela.
Zerbitzuak lan egunetan soilik dago erabilgarri, eta erabiltzeko ezinbestekoa da egun bat lehenago deitzea. Asteartetik aurrera, ordea, goizeko zerbitzuaren zerbitzua luzatu egingo dute, 13:30ak arte eskainiz. Hala, goizez 7:30etik 13:30era 690 76 94 66 telefono zenbakira deitu beharko dute; eta arratsaldez, 17:30etik 19:30era 611 72 19 59 telefono zenbakira deitu beharko da.
Goizeko zerbitzu berria urte osoan izango da erabilgarri, abuztuko zein Gabonetako oporraldietan izan ezik. Arratsaldekoa, berriz, urritik ekainera bitarte izango da martxan.
