Pablo Sorozobal plaza behin-behinean aparkaleku gisa erabiltzeko epea luzatu dute
Beraun auzoan egiten ari diren lanen eragina murrizteko gauez aparkatzeko aukera eman du udalak; epe hori luzatu egin du orain Jaizkibel kalean hasitako lanak bukatu arte.
Lanak bukatu arte ahalko dute aparkatu gauez bizilagunek.Herri Bizia Uztailean ID Redes Electricas enpresa elektrizitate sarea berritzeko lanak egiten aritu da Beraun auzoan. Lan horiek, hainbat aparkaleku plaza ezabatzea ekarri zuten behin behinean, eta horrek sortutako kalteak arintzeko, Pablo Sorozabal plaza gaueko aparkaleku gisa erabiltzeko aukera esakini zuen udalak, behin behinean. Lan horiek Norberto Almondoz eta Aita Donosti kaleei eragin zieten.
Orain, berriz, Jaizkibel kalea hobetzeko lanean hasi da Errenteriako Udala, eta hori horrela, Pablo Sorozabal plazan gauez aparkatzeko epea luzatzea erabaki du, kasu horretan ere aparkaleku plazak kendu behar izan dituelako; lanak bukatu arte ahalko da erabili aparkaleku gisa Beraungo plaza hori, gauez.
Udalak azaldu duenez, “neurriaren helburua Beraun auzoan egiten ari diren lanek sortzen dituzten eraginak murriztea eta aparkalekuen gaineko presioa arintzea da, lanak iraun bitartean alternatibak eskainiz”.
Behin behineko erabilera horrek baina, salbuespena izango du, eta irailaren 3tik 6ra ezingo da bertan aparkatu, Beraun auzoa jaietan izango delako, “jarduera ugari egiten dira plazan, eta jaietako ekitaldien guneetako bat da”. Behin jaiak bukatuta, gaueko aparkalekua berreskuratuko da 19:00etatik 10:00etara.
