Xenpelar tailerretako matrikulazio kanpaina astelehenean zabalduko dute
Astelehenean, hilak 7, zabaldu eta hilaren 18ra arte izango da Xenpelar tailerretarako izena emateko aukera.
Maite Gartzia Kultura zinegotzia eta Arantxa Vega tailerretako arduraduna.Herri Bizia Xenpelar Tailerrek astelehenean zabalduko dute matrikulazio kanpaina, eta hilaren 7tik 18ra arte izango da izena emateko aukera. Matrikula online (klik hemen) edota aurrez aurre egin ahalko dute interesdunek. Azken aukera horren alde egiten dutenek Zu! zerbitzuan egin ahalko dute matrikula udaletxean zein Aldakoenea eraikinean. aurrez aurreko izen ematea aukeratzen dutenek hilaren 14tik 18ra egin beharko dute matrikula, eta aurrez hitzordua eskatu beharko dute 943 44 96 00 edo 010 telefono zenbakietara deituta, hilaren 10etik 18ra bitartean.
Argi azaldu du udalak, izena emateak ez duela plaza bermatzen. izan ere plaza kopurua baino izen emate gehiago dituzten ikastaroetan, zozketa bidez esleituko dira plazak.
Behin behineko onartuen zerrenda hilaren 23an argitaratuko dute udalaren webgunean (klik hemen) eta aurrez aurre kontsultatu nahi dutenentzat lekuona Fabrikan egokituko dituzten euskarrietan.
Programazio osoa kontsultatzeko klik egin hemen. Zalantzak argitzeko bide hori edota 943 44 96 35 telefono zenbakira deitu daiteke.
Bestalde, tasak norberaren egoera ekonomikora egokitzeko aukera izango da. Horretarako, matrikularekin batera dagokion eskaera aurkeztu beharko da bai online bai aurrez aurre, horretarako prestatutako eredu normalizatuaren bidez
