Euskararen sustapena aitortuko du Bokalek
Urriaren 22an Bokalek IV. topaketa egingo du San Pedron, eta sarituak aukeratzeko galdetegi bat sortu du.
Urriaren 22an Bokale Pasaiako Euskararen Aholku Batzordeak IV. topaketa egingo du San Pedron, eta aurten ere euskararen sustapenean aktiboak diren norbanakoak edo taldeak saritu nahi ditu, azken urteetan euskararen sustapenean lanean aritu direnei eskerrak emateko eta egindako lana balioan jartzeko.
Sari horiek emateko, Bokalek lau barrutietako herritarren proposamenak jaso nahi ditu, eta herritarrak animatu ditu Pasaiako Udalaren webgunean argitaratuta dagoen galdetegia betetzeko. Galdetegia hilaren 4tik 15era bitartean bete ahal izango da.
