Gazteen ufada santakrutzei
Piztu Lezoren Gazte Eguna aurki hasiko diren santakrutzei berotasuna emateko jardueraz bete dute. Bazkarian izan da HITZA.
Gazte gara gazte, ta ez gaude konforme esaldiarekin hasten da Lourdes Iriondoren Ez gaude konforme abestia, 1970eko hamarkadakoa hura. Gaur, Gazte Eguna dute Lezon, Piztu Lezoren ekimenez. 1970ko hamarkada hartako gazteak gauza askorekin ez ziren egongo konforme; egungoek ere badituzte hainbat gauzarekin ados ez egoteko motiboak. Baina bada bat, beste askoren artean, batzen dituena: festa gogoa.
Bada. gogo horren adar gozoenek bat egin dute gaur Lezon: gazte askok baizkoa esan diote egunari, giro eder eta jatorrean ari dira hilaren 5a pasatzen, eta gainera, elkar ezagutzeko eta lezoartasun sentimendua indartzeko aukera berria dute. Hala sentitu du HITZAk haiekin izan denean, 15:00ak aldera zehazki, Karlos Saldiseren aterpean egiten ari den bazkarian. Ehunka gaztek jantzi dute egunaren elastiko granatea. Elegante asko ari diren bazkatzen. Kosta egin da irribarrerik ez zuen gazteren bat ikustea. Gozamen hutsa.
Behealdean ikus daitezke bazkariko hainbat irudi. Baina eguna ez da ondo jan eta edan ondoren bukatuko. Hasiera bestetik ez da izan mahaiaren bueltako jarduera hori. Izan ere, bazkalostean bingoa izango dute, gero Joseto ta Alayak elektrotxarangarekin gazte giroa herritik zabalduko dute, eta afal garaian (22:00) Komerik erromeriak gerririk zurrunenak biraraziko ditu. Gauerdia pasata Xugux DJak luzatuko du eguna.
Iristear dira 2026ko Santakrutz Jaiak (behean egitaraua). Ohikoa du Piztu Lezok festak hasi baino egun batzuk lehenago egitea Gazte Eguna. Segi dezatela sua pizten, eta santakrutzei ufada ematen. Jarraian, bazkariko dozenaka argazki.
2026ko santakrutzak. Egitaraua.
Hilak 11, ostirala
- 17:00. Haur, gazte eta helduentzako pintxo lehiaketa Karlos Saldise plazan.
- 21:30. Dejabu konpainiaren Itzulera antzezlana Josetxo Etxandi pilotalekuan, Kilometro Lezoren barruan.
Hilak 12, larunbata
- 09:00. Plater tiraketa Arkalen, lezoarrentzat. Han eman behar da izena.
- 09:30. Ganadu feria Josetxo Etxandi pilotalekuan.
- 12:00. Idi-dema probalekuan.
- 13:00. Paella lehiaketa Jauregialden.
- 14:00. Bertso bazkariak. Ixkulin elkartean, Oihana Arana eta Aner Peritz; Tiñelu elkartean, Haizea Arana eta Maddi Aiestaran.
- 16:00. Mus txapelketa Karlos Saldise plazan.
- 18:00. Idi-dema probalekuan.
- 21:30. Afari autogestionatua Karlos Saldise plazan.
- 22:30. Playback lehiaketa Karlos Saldise plazan.
Hilak 13, igandea
- 12:00. Stage For Dialogue proiektuaren aurkezpena Goiko Plazan.
- 17:00. Umeentzako ginkana Stage For Dialogue proiektuko kideek antolatua Goiko Plazan.
- 19:00. Alkate txikiekin, pregoia eta txupinazoa Gurutze Santuaren plazan. Murixkako dantzariek Agurra dantzatuko dute. Jarraian, Tomas Garbizu Musika Eskolako bandak eta Munttar Lezoko Txistulari Elkartekoek Lezo herria ereserkia interpretatuko dute. Segidan karropoteoa hasiko da.
- 19:30. Gurutze Santuaren bezperak Santo Kristo elizan.
- 22:45. Allerru, Altzate, Ixkulin eta Tiñelu elkarteetako danborradek bidea hasiko dute.
- 23:45. Danborraden topaketa Gurutze Santuaren plazan.
- 01:30. DJ 3haiZra Karlos Saldise plazan.
Hilak 14, astelehena. Santakrutz Eguna.
- 10:00. Munttar Lezoko Txistulari Elkarteko musikarien diana.
- 10:00. Bizitzaren alde pedalei eragin jarduera eta haurrentzako pintura tailerra, Gipuzkoa Minbiziaren Aurka elkartearen eskutik, Karlos Saldise plazan.
- 11:00. Perkusio tailerra Gurutze Santuaren plazan.
- 11:00. Meza nagusia Santo Kristo elizan.
- 12:00. Herri kirolak Gurutze Santuaren plazan. Aizkolariak: Iker Vicente, Ibai Soroa, Julen Alberdi eta Ugaitz Mugerza. Harri jasotzailea: Mikel Lopetegi.
- 12:30. I-14 Egunaren topaketa DJ Bullek girotua, Karlos Saldise plazatik hasita.
- 13:30. I-14 Eguna hasteko txupinazoa Gurutze Santuaren plazan. Herri argazkia aterako da.
- 14:00. Jubilatuen bazkaria Bekoerrota kiroldegian
- 14:30. I-14ko herri bazkaria Lezo Herri Eskolako patioan. Bazkalostean, Andoni Ollokiegiren emanaldia.
- 16:30. Haurrentzako puzgarriak Goiko Plazan.
- 17:30. Josetxo Etxandi L. Oroitaldiko federatuen finalak Koldobike Gezala pilotalekuan.
- 18:00. Erraldoi eta buruhandiak, Lezo Herri Eskolatik hasita.
- 18:30. Jaixkipe txarangarekin kalejira, Lezo Herri Eskolatik.
- 20:30. Tapia eta Leturia Band, Karlos Saldise plazan.
- Jarraian. DJ Reibax Karlos Saldise plazan.
- 22:00. Zenzensuzkoa Gurutze Santuaren plazan.
Hilak 17, osteguna
- 21:00. Barrexerkaren Patatekin antzezlana Karlos Saldise plazan.
Hilak 18, ostirala
- 17:00. Apar festa eta merienda Karlos Saldise plazan.
- 18:30. Erraldoi eta buruhandiak Munttarreko txistulariekin, Karlos Saldise plazatik
- 19:00. Bertso saioa Gurutze Santuaren plazan. Bertsolariak: Miren Amuriza, Sustrai Colina, Ekhiñe Zapiain eta Aitor Tatiegi. Gaiak Amaia Agirrek emango dizkie.
- 19:30. Harropoteoa Karlos Saldise plazatik.
- 20:00. Pintxo-potea Karlos Saldiseko txosnan.
- 23:00. AimarZren kontzertua Karlos Saldise plazan.
- 00:30. DJ Fifi eta Fefa Karlos Saldise plazan.
Hilak 19, larunbata
- 10:00. Diana Oidultz taldekoekin.
- 11:00. Koldobike Gezala pilotalekuan, Castellers de Caldes de Montbui taldearen entsegu irekia.
- 11:00. Buruhandi eta erraldoien erakusketa Goiko Plazan. Ondoren, erraldoi eta buruhandien topaketa Lezoko, Irurako, Oiartzungo eta Baionako konpartsekin.
- 12:00. XV. Muxiko Eguna Gurutze Santuaren plazan, Jaiki Hadi taldearekin.
- 12:30. Kantu jira Aitona-Amonen Bordatik hasita.
- 16:30. Truk txapelketa Tiñelun. Izen ematea 16:00etan irekiko da.
- 17:30. Castellers de Caldes de Montbui taldearen ikuskizuna Gurutze Santuaren plazan.
- Ondoren. Kitaldelpare txaranga Gurutze Santuaren plazatik hasita.
- 19:00. Patata tortilla txapelketa Lope Isasti plazan.
- 20:00 Bada Giro taldearekin erromeria Gurutze Santuaren plazan.
- 20:30. Herri afari autogestionatua Lope Isasti plazan.
- 23:30. Skabidean eta Arene 6 taldeen kontzertua Karlos Saldise plazan.
- Ondoren. DJ Biki Bikiak Karlos Saldise plazan.
Hilak 20, igandea
- 10:00. Diana Oidultz taldekoekin.
- 12:00. Inude eta Artzainen desfilea, Lopenetik
- 16:30. Josetxo Etxandi L. Oroitaldiko herri mailako finalak, Josetxo Etxandi pilotalekuan.
- 17:00. Zapotxin pailazoa Gurutze Santuaren plazan.
- 18:30 Erraldoi eta buruhandien kalejira Munttarreko txistulariekin, Karlos Saldisetik.
- 20:00 Oinkari dantza taldearen eta Hika Teatroren Makil hotsak ikuskizuna Goiko Plazan.
- 22:00. Zezensuzkoa, Tomas Garbizu Musika Eskolako bandarekin, Gurutze Santuaren plazan.
