Hilaren 12an abiatuko du Oiartzun Kirol Elkarteak denboraldia
Ohorezko erregionalak, hirugarren mailak eta gazteen Euskal Ligako taldeek jokatuko dituzte, hurrenez hurren, partidak.
Ikasgeletara itzuli dira egunotan zientoka gazte, baina baita, besteak beste, zelaietara ere. Izan ere, ikasturte hasierarekin batera kirol denboraldiari ere ematen zaio hasiera, eta Oiartzun Kirol Elkarteko futbolariek hilaren 12an emango diete hasiera ligei.
Hain justu, klubeko hiru taldek izango dituzte partidak larunbatean: ohorezko erregionalak, hirugarren mailako taldeak zein gazteen Euskal Ligako taldeak.
Larunbata, hilak 12:
- Ohorezko erregionala – Amaikak bat. 12:00, Karla Lekuona.
- Basauriko kimuak – OKE hirugarren maila. 15.30, Artunduaga.
- Gazteen Euskal Liga. Indartsu – OKE. 18:15, San Migel.
Denborali berriak zenbait berrikuntza ekarri ditu klubera, izan ere, maiatzaren amaiera partean sare sozialen bidez jakinarazi zuen Oiartzun Kirol Elkarteak zuzendaritzan aldaketak egon direla.
“Ilusioz eta borondate onez hartzen dugu kargua. Orain arte bezalaxe jarraituko dugu lanean gure seme alabek kirolean lekua izan dezaten. Nondik ahaztu gabe, etorkizunari begira”, zioten.
Era berean, gaineratu zuten euren balioak berriz ere “lehen lerroan” jarriko dituztela “denboraldiz denboraldi eta partidaz partida denontzako erosoa den berdegunea osatu arte”.
Honakoak dira zuzendaritzako kide berriak: Juankar Esteban Saborido, Jon Alkorta Arzak, Dabid Elgeta Azpillaga, Aitor Igartua Pikabea, Maider Tolosa Usarraga, David Rebollo Balda, Iker Calvo Arnedillo, Mikel Chanca Perez eta Jon Galdona Inurrategi.
