Euskara ikasteko diru laguntzen berri eman du Intxixu AEK-k
A1, A2, B1 eta B2 mailetan matrikularen %100a jaso daiteke bueltan, eta C1 eta C2 mailen kasuan, berriz, %50a.
Matrikulazioa zabalik dago Oarsoaldeko AEKren lau euskaltegietan. Oarsoaldeko AEK Intxixu AEK-k euskara ikasteko mailetan matrikulatzeko epea ireki du, baina horrekin batera, diru laguntzak aktibatu dituela ere jakinarazi du.
Nabarmendu dutenaren arabera, A1, A2, B1 eta B2 mailetan matrikularen %100a bueltan jasotzeko eta C1 eta C2 mailetan %50a bueltan jasotzeko aukera izango dute ikasleek, betiere asistentzia betetzen badute.
Maitane Linazasoro Intxixu AEK-ko kidea da, eta Oiartzun Irratian kontatu du hasi berrientzat euskara ikastea “beste mundu baten atea” izan daitekeela, eta “beste mundu bat ezagutzeko aukera eta elkarrekin gozatzeko aukera” eskaintzen dutela.
Euskaltegian izena emateko euskaltegira bertara joan daiteke (10:00 – 13:00 eta 16:30 – 19:00), baina baita 943 49 39 57 zenbakira deitu edota mezu elektroniko bat idatzi ere.
