Aisia eta harremanak euskaraz, Kuadrillategin eta Faktorian
Gazteei begirako bi egitasmoetan izena emateko epea zabalik da. Urriaren 2an hasiko dira saioekin.
Gazteek euren arteko harremanak euskaraz garatzeko aukera dute berriz ere 2026-2027 ikasturtean. Abian izango dira Lezon Kuadrillategi eta Faktoria egitasmoak, eta Lezoko Udalak jakinarazi du horietan izena emateko aukera zabalik dela. Urriaren 2an hasiko dira saioekin. Ostiraleroko (Faktorian bi ostiralero) saioez aparte, bestelako ekintzak ere antola ditzakete bertan parte hartuko duten gazteek, hala nola txangoak, egun-pasak edo asteburu-pasak.
Kuadrillategirena 12-16 adin tartekoei bideratutako eskaintza da. Ostiralero batuko dira kideak, 19:00etan, Lezo Herri Eskolako jolastokian. Bertan izena eman nahi dutenek bi agiri bete behar dituzte, bat galdetegia bera, eta bestea gurasoen baimenarena. Hemen biak:
Faktoria, bestalde, 16-18 adin tartekoei begirako egitasmoa da. Bi ostiraleroko maiztasunarekin, bi orduko saioak izango dira. Hezitzaileekin batera gazteek erabakiko dute saio bakoitzean eta ikasturtean zer egin. Faktoriakoek ere bi galdetegi bete behar dituzte egitasmoarekin bat egiteko.
