Atlantikaldiaren uhinak hasi dira zabaltzen
Uhinak lelopean gaur hasiko da Atlantikaldia eta igandera arte kultura eta batez ere musika erruz gozatzeko aukera izango da.
Uhinak sortuz tailerra egin dute herriko LH4ko ikasleek Atlantikaldiaren barruan Uhinak lelopean gaur hasiko da Atlantikaldia eta igandera arte kultura eta batez ere musika erruz gozatzeko aukera izango da. Aurten ere, esperientzia bakarrak ekarriko ditu jaialdiak ondu dituen lau guneetan: Itsasargi Nagusia, Herrixka, Kalekaia eta Herriko Plaza. aurten ere herriko ikasleek egin diote harrera jaialdiari, eta lehen ekitaldia haien eskutik heldu da: Uhinak Sortuz.
Herriko ikastetxeetako Lehen hezkuntzako 4. Mailako ikasleak elkartu ditu sormena, musika eta jasangarritasuna uztartzen dituen tailerrak. Birziklatutako materialekin perkusio tresnak sortu dituzte programa horren barruan, eta erritmoa, koordinazioa eta talde lana landu, emozioak musikaren bidez adieraziaz.
Proiektuaren bukaera gaur iritsi da eta tailerraren emaitza erakutsi dute 272 ikaslek Lekuona Fabrikan; ikasle horiekin guztiekin eratutako perkusio banda erraldoia. Emanaldia egin dute Martillo txiki perkusio eskolak gidatutako prozesuari ginga jartzeko. Atlantikaldiaren lehen uhina heldu da, indartsu, eta zabaltzeko asmoz. Goizeko ekitaldiaren ostean, arratsaldean hasiko dute jaialdi erraldoiaren hamahirugarrena tailer, jarduera, bisita gidatu eta lehen kontzertuekin. Egitarau osoa beheko koadroan.
Uhinak Sortuz tailerraren bukaeran ikasleek egindako perkusio emanaldiaren gaineko irudiak jaso ditu HITZAk.
Atlantikaldia, egitaraua
Hilak 17, osteguna
• 16:00. Itsasargi Nagusitik (Agirre Lehendakariaren plazatik), Manchester txikira bidaia bisita gidatua (euskaraz).
• 17:00. Itsasargi Nagusitik, Oreretatik itsas hirira bisita gidatua (gaztelaniaz).
• 17:30. Herrixkan (Foru plazan), Atlantikaldian ludotekekin jolasean tailerra.
• 17:30. Herrixkan, Zentzumen uhina tailerra.
• 18:00. Herriko Plazan, Kulunkatutako gorputzak dantza ikuskizuna.
• 19:00. Herriko Plazan, (H)erritmoz dantza ikuskizuna.
• 20:00. Itsasargi Nagusian, La Mossa eta Besaideren kontzertua.
• 21:00. Herrixkan, The Soulanders taldearen kontzertua.
Hilak 18, ostirala
• 10:00. Itsasargi Nagusitik (Agirre Lehendakariaren plazatik), Kasko historikoan ezkutatua bisita gidatua (gaztelaniaz).
• 12:00. Itsasargi Nagusitik, Oreretatik itsas hirira bisita gidatua.
• 16:00. Itsasargi Nagusitik, Emakume-EKIN bisita gidatua.
• 17:30. Herrixkan (Foru plazan), An(h)iztunak tailerra.
• 17:30. Herrixkan, Botila sentsoriala tailerra.
• 19:00. Herriko Plazan, NHILen kontzertua.
• 19:00. Kalekaian (Panierren), Azkuraren kontzertua.
• 20:00. Itsasargi Nagusian, Les Freres Smith eta Lide Hernandoren kontzertua.
• 20:30. Herrixkan, Triporters taldea.
• 20:30. Kalekaian, Zaunka taldea.
• 21:30. Herriko Plazan, Mon DVYren kontzertua.
• 22:00. Kalekaian, Sedientos de Cumbia taldea.
• 23:00. Itsasargi Nagusian, Baiuca eta Oreka TX taldeak.
• 00:00. Kalekaian, Mamba System taldea.
Hilak 19, larunbata
• 10:00. Itsasargi Nagusitik (Agirre Lehendakariaren plazatik), Sirena hotsen atzetik bisita gidatua.
• 11:00, 12:00 eta 13:00etan, paddle surf jarduera Oiartzun ibaian.
• 11:30. Herrixkan (Foru plazan), Oyotaku arrainen aztarna tailerra.
• 11:30. Herrixkatik, Ereintza dantza taldearekin kalejira.
• 12:00. Itsasargi Nagusitik, Kasko historikoan ezkutatua bisita gidatua.
• 12:00. Herrixkan, inprobisazio tailerra.
• 13:00. Herrixkan, Artista gertutik jarduera Macaco abeslariarekin.
• 13:00. Herriko Plazan, Argentinatik Euskal Herrira folkean musika emanaldia.
• 16:00. Itsasargi Nagusitik, Errenteriako altxorrak azaleratzen bisita gidatua.
• 17:00. Herrixkan, dantza afrikar tailerra.
• 17:00. Herriko Plazan, Del Val taldea.
• 18:00. Herrixkan, Andeetako oihartzuna kontzertua.
• 18:00. Herrixkan, itsas zigiluen tailerra.
• 18:00. Kalekaian (Panierren), Unity Battle Exhibition dantza ikuskizuna.
• 19:00. Herriko Plazan, Carla Delgadoren kontzertua.
• 20:00. Herrixkan, Txorinhoren kontzertua.
• 20:00. Itsasargi Nagusian, Selma Uamusseren eta Enekoraren kontzertua.
• 20:30. Kalekaian, Mr. Luken taldearen kontzertua.
• 21:30. Herriko Plazan, Taghfiren kontzertua.
• 22:00. Kalekaian, Vazkezen kontzertua.
• 23:00. Itsasargi Nagusian, Macaco eta Suneren kontzertua
• 00:00. Kalekaian, Siwanabaren kontzertua.
Hilak 20, igandea
• 10:00. Herriko elkarte gastronomikoetan, Sukaldian egitasmoko kulturarteko sukaldaritza tailerrak.
• 10:30. Itsasargi Nagusian (Agirre Lehendakariaren plaza), 5 ateen bila bisita gidatua (euskaraz).
• 12:00. Itsasargi Nagusian, Herri Arte Eskolakoen Konexio bretainiarra ikuskizuna.
• 12:00. Itsasargi Nagusitik, Manchester txikira bidaia bisita gidatua (gaztelaniaz).
• 13:30. Herrixkan, Sukaldian egitasmoaren barruko jarduerak.
