Dendari bila ari dira Labore Oarson
Abendura arteko kontratua eskaintzen dute, luzatzeko aukerarekin. Astelehenetik ostiralera egingo luke lan langileak, 17:30-20:30 artean.
Labore Oarso “proiektuaren printzipio eta filosofiarekin bat egiten duen pertsona malgu eta traturako erraztasuna” duen dendari bila ari da. Abendura arteko kontratua eskaintzen dute, luzatzeko aukerarekin, eta astean 15 egingo lituzke dendariak. Langileak astelehenetik ostiralera egingo luke lan, 17:30etik 20:30era.
Besteak beste, honakoa baloratuko dute: dendari bezala eskarmentua izatea, euskaraz zein gazteleraz ongi hitz egitea, taldean lan egiteko gaitasuna izatea, langilea eta bizia izatea, baikorra izatea, enpatia izatea eta jarrera eraikitzailea izatea, informatikako ezagutza izatea, laborezaina izatea eta, azkenik, Oarsoaldekoa izatea.
Laboretik azaldu dute, Labore Oarso azken urteetan “nabarmen sendotzen” ari dela, eta bazkide kopuruak ere goraka jarraitzen duela “etengabe modu mailakatuan”. Hargatik, diote horrek behar batzuk sortzen dituela lantaldea prestatuago egoteko eta dagoen eskariari erantzuteko, eta beraz, lantaldea handitzea aurreikusi dute.
Interesdunek curriculuma bidali beharko dute helbide honetara hilaren 30a baino lehen.
