Oiartzuarren asteburuko partidak, hemen
Asteburuan zenbait partida jokatu dituzte OKEko kirolariek. Ohi moduan, HITZAri helarazi dizkio klubak emaitzak.
Beste aste batez, zenbait jardunaldi izan ditu Oiartzun Kirol Elkarteak, eta ohi moduan partiden emaitzak helarazi dizkio klubak HITZAri. Hona, beraz, iragan asteburuko partidak:
- Hirugarren maila
- OKE 0 – 2 Elorrio
- Ohorezko erregionala
- Bergara 0 – 2 OKE
- Ohorezko erregionala neskak
- Antiguoko 1 – 1 OKE
- Ohorezko kadetea
- OKE 1 – 0 Real Union
- Ohorezko kadete neskak
- Sanse 2 – 4 OKE
- Gazteak Euskal Liga
- OKE 0 – 1 Real Union
- Lehenengo erregionala
- OKE 3 – 0 Sporting Herrera
- Gazteak preferente
- Hernani 1 – 2 OKE
Hirugarren maila: Oiartzun 0 – 2 Elorrio
Klubak kontatu duenez, hasiera berdindu baten ostean eta oiartzuarren huts batzuen ondorioz 0-2 galtzen jarri zen talde oiartzuarra. “Partida hankaz gora” jarri zitzaien, eta ez zuten asmatu “nola egin min aurkariari”.
Bigarren zatian saiatu arren, “sakontasuna eta freskotasuna falta” zitzaiela gaineratu dute; are, diote joan-etorri askoko eta kontrol gutxiko partida izan zela, eta markagailua ez zela aldatu.
Ohorezko erregionala: Bergara 0 – 2 OKE
OKEtik diotenez, partida “urduri eta akats askorekin” hasi zuten, eta, beraz, aurkariak “gola aukera argiak” izan zituen. Hala ere, lehen minutuak igaro ondotik euren joko mota egiteko gai izan ziren oiartzuarrak, eta bi jokalditan bi gol sartzea lortu zuten.
Bigarren zatian “markagailuaren lasaitasunarekin eta aurkarien urduritasunarekin jolasten erosoago” sentitu ziren, eta golean bihurtzeko gai izan ez ziren aukerak eduki zituzten.
