Arkaitz Lopez Saizek irabazi du Elizalderen zozketako sari nagusia
Elizalde Eskolaren 50. urteurreneko zozketa Xanistebanetan egin zuten, eta bidaia bat irabazi du errenteriarrak.
Elizalde Eskolaren 50. urteurreneko ospakizunen barruan zozketa berezi bat egin zuten herriko jaietan, Xanistebanetan, alegian, eta Arkaitz Lopez Saiz errenteriarrak irabazi du berau.
2.446 zenbakia izan zen irabazlea, eta hargatik bidaia bat egiteko sari nagusia jaso zuen. Garailearekin elkartu dira Jone Muñoz Guraso Elkarteko lehendakaria eta Idoia Irazu Haur eta Lehen Hezkuntzako zuzendaria.
Lopezek oporretan zegoela jakin zuen bere zenbakia zela saritua. “WhatsApp mezu baten bidez jakin nuen ni nintzela irabazlea, eta, ondoren, nire lagun eta lankide baten mezua jaso nuen zoriontzeko”.
Era berean, irabazleak kontatu die Guraso Elkarteko kideei “ezustean” harrapatu zuela abisua: “Orain artean gauza txikiren bat irabazi dut zozketaren batean, baina bidaia bat, sekula ez”.
